Úkimet • 26 Aqpan, 2020

$500 mln: Qazaqstan men О́zbekstan arasynda 52 kelisimge qol qoıyldy

25 retkórsetildi

Búgin Horezm oblysynyń Úrgenish qalasynda Premer-Mınıstr Asqar Mamın О́zbekstan Premer-Mınıstri Abdýlla Arıpovpen kelissóz ótkizdi jáne Qazaqstan men О́zbekstannyń Aımaqaralyq yntymaqtastyǵynyń II forýmyna qatysty. Bul týraly primeminister.kz habarlady.

«Bizdiń kóshbasshylarymyzdyń saıası kóregendiliginiń arqasynda Qazaqstan men О́zbekstan arasyndaǵy strategııalyq áriptestik sapalyq turǵyda jańa deńgeıge jetti», — dedi A. Mamın.

Qazaqstan Úkimetiniń basshysy ekijaqty saýda aınalymyn odan ári ulǵaıtý boıynsha qol jetkizilgen ýaǵdalastyqtar qazirgi ózara múddelerdi belsendi júzege asyrý jáne jańa baǵyttaryn izdestirý qajettigin kórsetip otyrǵanyn aıtty. 

Kezdesý barysynda saýda-ekonomıkalyq, ınvestısııalyq, aýyl sharýashylyǵy, tranzıttik-kólik, sý-energetıkalyq, toqyma, mashına jasaý, týrıstik, ekologııalyq salalarda, sondaı-aq qarjy tehnologııalary men aımaqaralyq yntymaqtastyq salasyndaǵy ekijaqty yntymaqtastyqty ári qaraı damytý keleshegi talqylandy. 

A. Mamın men A. Arıpov «Agroónerkásiptik kooperasııa, ónerkásip jáne týrızm salasyndaǵy aımaqtyq bıznestiń yntymaqtastyǵy» taqyrybyndaǵy QR men О́R Aımaqaralyq yntymaqtastyǵynyń II forýmynyń qorytyndy otyrysyna qatysty, sharaǵa 300-den asa adam — memlekettik organdardyń, óńirlerdiń basshylary men eki eldiń iskerlik orta ókilderi jınaldy. 

QR Premer-Mınıstri Shymkent qalasyndaǵy «Ońtústik» AEA bazasynda jeńil ónerkásip boıynsha Qazaqstan-О́zbekstan klasterin qurý, Túrkistan, Tashkent, Samarqan, Buhara jáne Horezm oblystaryndaǵy týrıstik nysandar boıynsha birlesken týrıstik baǵyttar ashý, kóterme-taratý jáne agro-logıstıkalyq ortalyqtardy birlesip damytý boıynsha bastamalar kóterdi. 

A. Mamın eki eldiń tranzıttik-kólik jáne logıstıkalyq salalardaǵy yntymaqtastyǵyna erekshe nazar aýdardy. 

«Qazaqstan úshin sizdiń el – Ońtústik Azııaǵa shyǵý joly, О́zbekstan úshin bizdiń aýmaq – EAEO jáne Ońtústik-Shyǵys Azııa, Kavkaz ben Eýropa elderiniń naryǵyna shyǵý múmkindigi», — dep A. Mamın, «Soltústik-Ońtústik» dáliziniń ınfraqurylymyn qalyptastyrý, sondaı-aq Transkaspıı halyqaralyq kólik baǵytyn damytý boıynsha birlesken is-qımyldy jandandyrý qajettigin atap ótti. 

Forým sońynda ekonomıkalyq yntymaqtastyqty damytý týraly 52 qujatqa, onyń ishinde Forýmnyń Qorytyndy deklarasııasyna, sondaı-aq mashına jasaý, aýyl sharýashylyǵy, qarjy-bank, ónerkásip, ınfraqurylym, farmasevtıka jáne basqa da salalarda jalpy somasy $500 mln-ǵa jýyq bolatyn vedomstvoaralyq, aımaqaralyq jáne kommersııalyq kelisimderge qol qoıyldy. 

Forým eki eldiń iskerlik orta ókilderine B2B (business-to-business) formatynda kezdesýler ótkizip, arnaıy uıymdastyrylǵan kórmede ózderiniń óndiristik jáne ınvestısııalyq múmkindikterin pash etýge múmkindik berdi. 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar