Parlament • 26 Aqpan, 2020

D. Nazarbaeva: Qazaqstannyń jeńil ónerkásibine maqsatty jeke damý baǵdarlamasy kerek

11 retkórsetildi

Senat Tóraǵasy Darıǵa Nazarbaeva Parlamenttik tyńdaýlarǵa daıyndyq aıasynda saýda alańdary máselesi boıynsha memlekettik organdardyń jáne naryq sýbektileriniń ókilderimen kezdesti. Bul týraly Senattyń baspasóz qyzmeti habarlady.

Sharaǵa Senat depýtattary, saýda jáne ıntegrasııa, ındýstrııa jáne ınfraqurylymdyq damý, ulttyq ekonomıka, qarjy mınıstrlikteriniń, Nur-Sultan qalasy ákimdiginiń, «Atameken» UKP basshylary qatysty.

Darıǵa Nazarbaeva kirispe sózinde aldyńǵy kezdesýlerde otandyq óndirýshiler saýda ortalyqtaryndaǵy jaldaý qunynyń joǵary ekendigi olarǵa negizgi problemalardyń biri degenin eske saldy.

Elimizdiń saýda jáne ıntegrasııa mınıstriniń orynbasary Azamat Asqaruly óz baıandamasynda otandyq taýar óndirýshilerge arnalǵan saýda saıasatynyń sharalary týraly habardar etti. Olardyń ishinde otandyq óndiris taýarlaryn saýda zaldarynda qoljetimdi jerlerge ornalastyrý, retro dep atalatyn bonýstardy belgileýge tyıym salý, otandyq azyq-túlik taýarlaryna sórelerde keminde 30% oryn bólý bar. «Biz agro-logıstıkalyq ortalyqtar men kóterme-taratý ortalyqtary qurylystaryn salý boıynsha jobany júzege asyrýdy qolǵa aldyq. Nátıjesinde búkil elimizge arnalǵan daıyndaý jáne ótkizýdiń asa aýqymdy jańa júıesi qurylady», - dep atap ótti mınıstrdiń orynbasary.

Kezdesýde sóz alǵan ulttyq ekonomıka mınıstriniń orynbasary Jaslan Mádıev jeńil ónerkásip kásiporyndaryn qoldaý máselelerine, atap aıtqanda, arnaıy ekonomıkalyq aımaqtarǵa qatysýshylardy korporatıvtik tabys salyǵynan, jer, múlik salyqtarynan jáne jer ýchaskelerin paıdalanǵany úshin tólemderden bosatý sharalaryna nazar aýdardy.

Qazaqstan mınımarketter qaýymdastyǵynyń basshysy Baýyrjan Nurkenov óz kezeginde azyq-túlik salasynda kóleńkeli ekonomıkanyń deńgeıi joǵary ekenin atap ótti. B.Nurkenovtyń pikirinshe, bul problemany sheshý úshin naryqqa kishi-girim qatysýshylar kooperasııasy kerek.

Senator Dáýren Ádilbekov baıandamalardy tyńdaı kelip, jalǵa alýdy sýbsıdııalaý talaptaryn anyqtaý ádistemesine nazar aýdardy. «Eger biz sýbsıdııa beretin bolsaq, saýda alańdarynyń qojaıyndary kaskadtyq ádispen jalǵa alý baǵasyn ulǵaıtpasyna kim kepil?», - degen qaýpin bildirdi.

Senator Álı Bektaev ártúrli saýda oryndarynda bir taýar baǵasynyń 10%-dan 3 esege deıin qubylatynyna qatysýshylardyń nazaryn aýdardy. «Saýda bazary – arzan satylatyn oryn dep árqashan sanap keldik. Bizdiń taldaýymyz boıynsha, jabdyqtalmaǵan bazarlar men kommýnıkasııasy jaqsy damyǵan, jylytý, jeldetý, baqylaý kameralary bar saýda ortalyqtaryn salystyrǵanda baǵasynda aıyrmashylyq joq. Bazarlarda ústemeaqy nege olaı ekenin zerdeleý kerek», - dedi ol.

Darıǵa Nazarbaeva pikir almasýdy qoryta kelip, saýda alańdary taqyryby boıynsha ózekti máselelerdi talqylaý áli aıaqtalmaǵanyn atap ótti. «Saýda boıynsha jeke tyńdaý ótkizý kerek, bul bárine qatysty aýqymdy sala», - dedi ol.

Senat Tóraǵasy saýda salasy árqashan ekonomıkanyń mańyzdy bólikteriniń biri ekenine nazar aýdardy. «Qazaqstandyq tutynýshylar ózderiniń otandyq ónimdi jaqsy kórýi, senýi, kótermeleýi úshin qazirgi zamanǵy órkenıetti jaǵdaılar kerek. Sonyń ózi eń jaqsy ımıdj, keıinnen bizdiń ónimderimiz úshin shetelde de jumys isteıtin bolady».

D.Nazarbaeva bul rette jeńil ónerkásiptiń damýyn tutastaı qamtamasyz etý úshin salaǵa maqsatty baǵdarlama qajet ekenin atap ótti. «Jeńil ónerkásiptegi eńbek aýqymy kóbirek dep sanalady, biraq onyń  ǵylymı aıasy da aýqymdy bolyp otyr. Osy salany tabysty damytyp otyrǵan kóptegen elder ǵylymı zertteýlerge, matalar men toqýdyń jańa túrlerin shyǵarýǵa aqsha aıamaıdy. Ony bastan keshken basqa elderdiń tájirıbesi turǵysynan qaraǵan jón», - dedi ol.

Senat Tóraǵasy kezdesýdi qorytyndylaı kelip, jaýapty komıtetterge kezdesýge qatysýshylar qozǵaǵan problemalyq taqyryptardy zerdeleýdi jáne olardy Parlamenttik tyńdaýlarda talqylaýǵa daıyndaýdy tapsyrdy.

Sońǵy jańalyqtar

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Uqsas jańalyqtar