Aımaqtar • 26 Aqpan, 2020

Nur-Sultanda Alǵys aıtý kúni qalaı toılanady?

67 retkórsetildi

Alǵys aıtý kúnine oraı elordada 20-dan astam mádenı is-shara josparlanǵan. Merekelik sharalar qalanyń barlyq uıymynda, oqý oryndary men aýdan ákimdikterinde ótedi dep habarlaıdy elorda ákimdiginiń resmı saıty.

Bıyl Alǵys aıtý kúni besinshi ret toılanady. Qazaqstan halqy Assambleıasynyń HHII sessııasynda Tuńǵysh Prezıdent - Elbasy N.Á. Nazarbaev jyl saıyn 1 naýryzdy qıyn kezeńderde ózge ult ókilderine kómektesken, meıirimdilik tanytyp, olardy týysqany retinde qabyldaǵan qazaq halqyna ózge etnostardyń alǵys bildirý kúni retinde atap ótýdi usyndy. Merekeniń basty maqsaty – Qazaqstan halqynyń birligin nyǵaıtý, qoǵamdyq kelisim men qaıyrymdylyqty nasıhattaý.

28 aqpanda saǵat 11:00-de Dostyq úıinde Qazaqstan halqy Assambleıasy músheleriniń, ÚEU jáne memlekettik organdardyń qatysýymen dóńgelek ústel otyrysy ótedi. Kezdesý aıasynda qaıyrymdylyq kórme-jármeńkesi men qaıyrymdylyq aksııasyn ótkizý josparlanǵan.

28 aqpan men 2 naýryz aralyǵynda M.О́temisuly atyndaǵy Oqýshylar saraıynda, Balalardy qoldaý ortalyǵynyń «SOS Astana qalasynyń balalar aýyly» mekemesinde Alǵys aıtý kúnine arnalǵan «Rızashylyq - meıirimdilik bulaǵy» ulttyq mádenı-aǵartýshylyq jobasy men «Qushaqtap, rahmet aıtamyn» fleshmoby ótedi. Ál-Farabı atyndaǵy Oqýshylar saraıynda «Men alǵys aıtamyn», «Álemge alǵys», «Qazaq halqyna alǵysym sheksiz» fotokórmeleri josparlanǵan.

29 aqpanda «Vaınah» sheshen-ıngýsh etnomádenı ortalyǵynyń aqsaqaldar keńesi men jastar qanatynyń kezdesýi ótedi. Sol kúni №1 mýzyka mektebiniń oqýshylary «Qarttar men múgedekterge arnalǵan medısınalyq-áleýmettik mekeme» QMÝ ardagerlerine arnalǵan «Júrek jylýy» konsertin ótkizedi.

1 naýryzda etnolıngvıstıkalyq mektepterde Alǵys aıtý kúnine oraı ashyq sabaqtar uıymdastyrylady. Sol kúni qalalyq volonterler shtabynyń bastamasymen «Ardagerlerge myń alǵys» aksııasy bastalady. Eriktiler soǵys ardagerleri men tyl eńbekkerlerin quttyqtap, olarǵa tamaq sebetteri men elorda ákiminiń atynan alǵys hattar tabystaıdy. Sonymen qatar ǵylymı-saraptamalyq toptyń músheleri men Qazaqstan halqy Assambleıasynyń qoǵamdyq kelisim keńesiniń ókilderi memlekettik organdardyń qyzmetkerleri, ýnıversıtet stýdentteri úshin dárister ótkizedi.

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar