Álem • 27 Aqpan, 2020

Koronavırýs taraǵan elderge barmaǵan abzal

738 retkórsetildi

Qytaıdan taralǵan koronavırýs búginde 38 elge taralyp, 80 myńnan astam adamǵa juqty. Qazirgi kezde indet órship turǵan elderdiń qatarynda Qytaıdan bólek Ońtústik Koreıa, Japonııa, Italııa jáne Iran qatarly memleketter bar. Soǵan baılanysty elimizde saqtyq sharalary jalǵasyp jatyr. Keshe Qazaqstannyń Bas memlekettik sanıtarlyq dárigeri Jandarbek Bekshınniń qaýlysymen aýrý asqynǵan elderdiń tizimi jarııalandy.

Prezıdent janyndaǵy Ortalyq kommýnıkasııalar qyzmetinde ótken baspasóz máslıhatynda bas sanıtar qaýipti elderden kelgen azamattar 1 naýryzdan bastap úı karantınine oqshaýlanatynyn aıtty. Atap aıtqanda, qaýiptiligi jaǵynan birinshi sanatqa Qytaı Halyq Respýblıkasy (Gon­kong, Taıvan, Makao), Ońtústik Ko­reıa, Japonııa, Italııa jáne Iran qatar­ly memleketter men aımaqtar ense, Sın­ga­pýr, Taıland, Malaızııa qatarly elder qaýip­tiligi jaǵynan ekinshi sanatqa jatqyzy­lyp otyr. Al úshinshi sanattaǵy elder – Vet­nam, Germanııa, Aýstralııa, AQSh, BAÁ, Kanada.

Sondaı-aq Qazaqstan Ońtústik Koreıa men Iranǵa áýe reısterin azaıtatyn bolady. «Biz keı elmen áýe qatynasyn azaıtatyn bo­lamyz. Olardyń arasynda, qaýiptiligi ja­ǵy­­nan birinshi sanatqa engen Ońtústik Koreıa bar. Bul elde bizdiń 34 myń azamaty­myz bar. Biz 1 naýryzǵa deıin barlyq azama­ty­myzǵa elge qaıtyp kelýge múmkindik bere­miz. Ol úshin bul elge apta saıyn 9 reıs, ıaǵ­nı 7 reıs Almatydan, 2 reıs Nur-Sul­tan­­nan ushady. Al 1 naýryzdan keıin Oń­tústik Koreıaǵa áýe tasymaly 3 reıske deıin qysqarady. Iran boıynsha jaǵ­daı álde­qaıda jeńil, sebebi onda bizdiń 170-ke jýyq azamatymyz bar. Olar 1 naý­ryz­ǵa de­ıin qaıtyp kelýi tıis. Sebebi, odan keıin Iran Islam Respýblıkasymen áýe qaty­­nasy toqtatylady. Al Japonııada 180 qazaq­­stan­dyq bar. Japonııaǵa aptasyna eki ret reıs ushady. Jolaýshylar aǵyny az bol­ǵan­dyq­tan, ázirge esh qıyndyq joq. Túrkııa, Pákis­tan, Oman, Aýǵanstan syndy elder Iran­men áýe qatynasyn ýaqytsha shektegen edi. О́zge memleketter boıynsha shekteý qoıý máse­lesin qarastyryp jatyrmyz», dedi J.Bekshın.

Dúnıejúzilik densaýlyq saqtaý uıy­mynyń resmı saıtynda korona­vırýsqa qatysty sońǵy aqparatty jarııalap otyratyn arnaıy bet ashylǵan bolatyn. Sońǵy ja­rııa­lan­ǵan aqparatqa súıensek, álemde indet juq­tyrǵandardyń sany 80 980 adamǵa jet­­ken. Onyń eń kóbi Qytaıda tirkelgen. Iаǵ­nı 78 190 adam koronavırýs juq­tyryp, 2 718-i kóz jumǵan. Al indet Oń­tús­tik Koreıada 1146 adamǵa juǵyp, 11 adam qaıtys bolǵan. Ita­lııa men Iranda da jaǵdaı máz emes. Ita­lııada dertke shaldyqqan 322 adamnyń 11-i baqılyq bolsa, Iranda juqtyrǵandar sany 95 adamǵa jetip, onyń 15-i kóz jumǵan.

Sońǵy jańalyqtar

D dárýmeni ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Uqsas jańalyqtar