Aımaqtar • 27 Aqpan, 2020

Seniń jyryń máńgilik qudyretti...

58 retkórsetildi

Qyzyljar qalasyndaǵy Ǵ.Músirepov atyndaǵy oblystyq balalar jáne jasóspirimder kitaphanasy Abaıdyń 175 jyldyǵyna arnalǵan aımaqtyq aqyndar músháırasyn ótkizdi.

Kitaphana dırektory, ultjandy qaryndasymyz Kógershin Berdiǵulova jeke bastamasymen oblystyq Erik Asqarov atyndaǵy aqyndar mektebiniń basshysy Jarqyn Juparhannyń kómegimen aqsha ber dep eshkimge alaqan jaımaı, ózdiginen demeýshi taýyp, osy sharany uıymdastyrǵan eken. Osyndaı bastama kóterse basqa kitaphanalar qanekı...

Músháıraǵa Kókshetaý, Nur-Sultan, Qaraǵandy, Qostanaı, Pavlodar jáne Qyzyljardan on eki aqyn qatysty. Jalpy, qatysýshylar sany kóp eken, biraq birinshi kezeńde olar iriktelip, ekinshi kezeńge jetkeniniń sany osy bolǵan. Músháırany oblystyq mádenıet basqarmasynyń bastyǵy Quralbek Atamuratov ashty. Quttyqtaý sózder aıtqandardyń qatarynda oblystyq meshittiń bas ımamy Kenjetaı Dúısenbaı boldy. Sońǵysy osy músháıraǵa demeýshilik te kórsetkenderdiń biri eken. Ol Abaıdyń aqyndyq ilimin keńestik ıdeologııaǵa sáıkes keletin túsinik deńgeıinde emes, endi keń qulashty kózqaraspen, jan-jaqty qaraý kerektigin aıtqan belgili abaıtanýshy Mekemtas Myrzahmettiń sózin aýyzǵa aldy. Eger Abaı ilimderine keńdikpen qaraıtyn bolsaq onyń dindi túsiný deńgeıiniń jáne onyń halyq ómirine, mádenıetine paıdaly tusyn tereń tanıtyn bolar edik dedi ol. Shynynda, Muhtar Áýezovtyń Abaı jolynda saıasatqa sáıkestendirip jazǵan: «Qaǵbam ózgerip, Shyǵysym Batysqa aınalyp bara jatyr» degenine búgingi tańda synı kózqaraspen qarap, aqynnyń úni Shyǵys oıshyldarymen úndesip jatqanyna tereńirek kóńil aýdarýdyń qajet ekendigi sózsiz. 

«Silkindirip álemdi dúbir ótti, Dúbir ótti – ǵalamat ǵumyr ótti. Myń qubylyp tursa da mynaý zaman, Seniń jyryń máńgilik qudyretti». «Buldyr ǵasyrdyń belesin kórgen qyraǵym, Kókiregimniń jaǵyp eń qalaı shyraǵyn. Paıǵambar tektes parasatyńmen jazǵan eń Qalam ushymen qazaqtyń tunyq bulaǵyn...»  nemese «Jaryq nurdan jaryq sáýle tamyp tur...» degen sııaqty halyqtyń sýsynyn qandyrǵan ádemi jyr joldary aǵyldy bul keshte...

Músháırada bas júldeni pavlodarlyq Jarqynbek Amantaıuly, birinshi oryndy qyzyljarlyq Abylaıhan Áshimhan, ekinshi oryndy qaraǵandylyq Salatanat Erlanqyzy jáne úshinshi oryndy kókshetaýlyq Qýanysh Ospanov aldy. Basqa qatysýshylardyń bárine de qyzyljarlyq aqyn-jazýshylardyń atyndaǵy syılyqtar berildi.

Músháıraǵa ataqty aqyn Dáýletkereı Kápuly, belgili jazýshy – jýrnalıst Jarasbaı Súleımenovter bastaǵan top ádilqazylyq etti. Úzilisterde jergilikti ónerpazdar Abaı ánderin shyrqady.

 

QYZYLJAR

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Daǵdarys daýylyna tosqaýyl - J. Nurabaev

Ekonomıka • Búgin, 10:45

Uqsas jańalyqtar