Qazaqstan • 27 Aqpan, 2020

«Bek Air» kompanııasynyń tekserý qorytyndysy jarııalandy

58 retkórsetildi

«Bek Air» kompanııasyna júrgizilgen jospardan tys tekserý qorytyndysy jarııalandy. Indýstrııa jáne ınfraqurylymdyq damý mınıstrliginiń Azamattyq avıasııa komıtetiniń habarlaýynsha, kompanııada áýe saparyn jáne ushýǵa jaramdylyqty uıymdastyrý, muzdaýǵa qarsy óńdeý prosedýralary, ushý qaýipsizdigin basqarý júıesiniń standarttaryna sáıkestigi, sondaı-aq avıasııalyq qaýipsizdik normalaryn saqtaý tártibi tekserilgen.

«2020 jyldyń 20 qańtarynda Qazaqstannyń avıasııalyq ákimshiligi tekserýdiń aralyq nátıjeleri men sol kezde anyqtalǵan buzýshylyqtar týraly habarlaǵan bolatyn. Avıasııalyq qozǵaltqyshtardy paıdalanýda óreskel buzýshylyqtar týraly aıtyldy. Biraq olar qozǵaltqyshtyń shyǵý tegin, onda ornatylǵan agregattardyń jumys isteýin jáne aqaýlar týraly jazbalardy anyqtaýǵa múmkindik bermeıdi. Sondaı-aq fıýzelıajdyń jáne áýe kemeleriniń basqa da bólikteriniń zaqymdanýy boldy. Olarǵa tehnıkalyq qyzmet kórsetý jáne jóndelýi týraly jalǵan qujattar rásimdelip kelgen», - dep habarlady komıtetten.

Atap ótilgendeı, áýe kompanııasy ınjenerlik qyzmettiń jáne ushý ekıpajynyń muzdaný faktisin anyqtaý úshin ushar aldynda ushaq qanattaryn fızıkalyq (taktıldik) tekserýdiń mindetti prosedýrasyn saqtaýyn qamtamasyz etpegen.

«Sol kezde-aq áýe kompanııasynyń Ushý qaýipsizdigin basqarý júıesi zańnama talaptaryna sáıkes kelmeıtindigi anyq edi», - delingen aqparatta. Jalpy, tekseris qorytyndysy boıynsha áýe kompanııasynyń sertıfıkattarynyń qoldanysyn toqtatýǵa negiz bola alatyn basqa da kóptegen eleýli buzýshylyqtar men kemshilikter anyqtalǵan. «Olardyń qatarynda avıasııalyq oqıǵany jasyrý, áýe kemesiniń úlgisine ruqsat alý úshin ushqyshtardy daıarlaý týraly jalǵan sertıfıkattardy paıdalaný, ushaqtarǵa tehnıkalyq qyzmet kórsetýdi oryndaý týraly jalǵan qujattar jasaý sekildi kemshilikter bar.

Áýe kompanııasy 2019 jyldyń 25 jeltoqsanynda Fokker-100 UP-F1017 áýe kemesimen bolǵan avıasııalyq apattyń naqty sebepterin atamady», - dep habarlady komıtetten. Málim etilgendeı, áýe kemesiniń komandıri «Nur-Sultan» halyqaralyq áýejaıynan Shymkent baǵytynda ushyp shyqqannan keıin №1 gıdrojúıeniń isten shyǵýyn anyqtaǵan. Bul olqylyq gıdravlıkalyq suıyqtyqtyń tolyǵymen aǵyp ketýine baılanysty bolǵan. Artynsha bul, jalǵasqanatshanyń shyqpaı qalýyna, shassıdiń aldyńǵy tiregin, bıiktik rýlin elerondardy, reversti jáne ushý kezindegi basqa da jabdyqtardy basqarý tetikteriniń isten shyǵýyna alyp kelgen.

Kúrdeli jaǵdaıǵa qaramastan, áýe kemesiniń komandıri №2 avarııalyq gıdrojúıeni qoldana otyryp ushýdy jalǵastyrǵan. Shymkent qalasynyń áýejaıyna qonǵannan keıin, áýe qozǵalysyn basqarý dıspetcherine shassıdiń aldyńǵy tiregin basqarý tetiginiń isten shyqqany týraly jalǵan aqparat bergen. Budan bólek, áýe kompanııasy ushqyshtarǵa avıasııalyq qaýipsizdik jáne qaýipti júkterdi tasymaldaý boıynsha qaıta daıarlaý kýrsyn aıaqtaǵany týraly formaldy sertıfıkattar bergen. Tekserý barysynda anyqtalǵandaı, sabaq ýaqytynda jáne synaqtan ótý kezinde pılottar eldiń basqa óńirlerinde ushý tapsyrmasynda bolǵan. Sondaı-aq avıakompanııanyń eki ushqyshy Fokker 70/100 úlgisindegi áýe kemesin basqarý úshin qaıta daıarlaý sertıfıkattaryn qoldan jasaǵany belgili boldy.

«Latvııanyń oqý ortalyǵynda olar praktıkalyq emtıhandy tapsyra almaǵan. Osyǵan baılanysty olarǵa atalǵan keme úlgisin basqarý quqyǵy berilmeı, tek kýrsty tyńdaǵandary jóninde anyqtama tapsyrylǵan», - delingen tekseris qorytyndysynda.

Osylaısha, lısenzııaǵa ruqsat belgisin qoıdyrý úshin olar ýákiletti organǵa kýrsty sátti aıaqtaǵany týraly jalǵan sertıfıkat usynǵan. Oqý ortalyǵy sertıfıkattardyń jalǵandyǵyn rastady. Qazirgi ýaqytta avıasııalyq personal kýáligin qaıtaryp alý máselesi sheshilýde.

««Bek Air» AQ avıasııalyq qozǵaltqyshtardy óndiretin zaýyt - « Rolls Royce»-tiń qoldaýy jónindegi kelisimshartqa otyrmaǵan.  Sonymen qatar, ınjenerlik prosedýralar nusqaýlyǵyn buza otyryp, avıasııalyq qozǵaltqyshtardyń paıdalaný derekteri óndirýshi zaýytqa olardy óńdeý úshin jiberilmegen. Sondaı-aq olardy ózdiginen «Bek Air» AQ-da óńdeý júrgizbegen. Osylaısha áýe kompanııasy avıasııalyq qozǵaltqyshtardyń jaı-kúıine monıtorıng júrgizbegen. Sáıkesinshe olardyń senimdiligi men ushý kezindegi qaýipter týraly aqparaty bolmaǵan. Áýe kompanııasy ýákiletti organnyń bekitýinsiz ınjenerlerge ruqsat sanatyn óz betinshe berip kelgen. Sondaı-aq tıisti ruqsaty joq ınjenerlerge áýe kemelerinde tehnıkalyq jáne paıdalaný jumystaryn júrgizýge ruqsat bergen», - dep habarlady komıtetten.

Sondaı-aq Almaty áýejaıynda áýe kompanııasynyń eki ınjeneri Fokker-100 UP-F1014 ushaǵyna tehnıkalyq qyzmet kórsetý týraly qujatty jalǵan rásimdegeni anyqtalyp otyr. Osy jumystar oryndalatyn kúni bort Aýǵanstan aýmaǵynda áýe saparyn oryndaý ústinde bolǵan. «Bek Air» AQ-nyń qyzmetin jospardan tys tekserý nátıjeleri áýe kompanııaǵa jiberildi.

Áýe kompanııasy 10 kún ishinde Qazaqstannyń avıasııalyq ákimshiligine barlyq buzýshylyqtardy joıý boıynsha túzetý is-qımyldarynyń josparyn usynýy tıis. Eger buzýshylyqtar 6 aı ishinde joıylmasa, paıdalanýshy sertıfıkaty men ushýǵa jaramdylyq sertıfıkattary keri qaıtarylyp alynady», - dep eskertedi Azamattyq avıasııa komıteti.

Sońǵy jańalyqtar

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Uqsas jańalyqtar