2019 jyldyń qyrkúıek aıynan bastap avtotasymaldaýshylardyń atyna qoǵamdyq kólikke arnalǵan joldarda júrgeni úshin aıyppuldar kelip túse bastady.
Aıta ketý kerek, barlyq kásipkerlerdiń jolaýshylardy turaqty emes tasymaldaýǵa lısenzııalary bar.
Tasymaldaýshylar usynylǵan talaptarmen kelispedi. Alaıda olar esep aıyrysý shottaryn jabýdan qorqyp aıyppul tóleýge májbúr bolǵan.
Kásipkerler ýákiletti memlekettik organdarǵa kómek surap júgingen, biraq esh nátıje bolmaǵan. Sonymen qatar kásipkerler ákimshilik polısııa bólimine suraý jibergen, jiberilgen mekemeden eki jaýap alyndy.
Alǵashqy jaýapta «tyıym salynǵan kólik quraldaryna arnalǵan joldarda ... qozǵalys bolmaıdy jáne osy jolda basqa kólik quraldarynyń toqtaýyna bolmaıdy» jáne «qoǵamdyq jolda júrýge ruqsattar men qujattar berý zańda kózdelmegen» delingen.
Nátıjesinde eki qarama-qaıshylyqty jaýap paıda boldy. Tasymaldaýshy avtobýstyń nómirleri bazalarǵa engizilmegen jáne aıyppuldar joıylǵan joq.
Máseleni zerdeleı otyryp, Palata sarapshylary Almaty qalasy Ákimshilik polısııa basqarmasynyń usynǵan túsiniktemelerimen pen kelip túsken nusqamalardy zańsyz, negizsiz, bızneske ákimshilik qysym kórsetetin jáne ákimshilik tosqaýyl bolyp tabylady dep sanaıdy.
Másele 2019 jyldyń 19 jeltoqsanda ýákiletti memlekettik organdardyń qatysýymen ótken Almaty qalasy Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńestiń kezekti otyrysynyń kún tártibine engizildi. Nátıjesinde máseleni sheshý úshin usynystar qabyldaý kerektigi týraly rezolıýsııa qabyldandy.
Aıta ketý kerek, Nur-sultan qalasynda da qoǵamdyq kólikke arnalǵan joldar bar, olardy turaqty emes tasymaldaýshylar zańdy túrde paıdalana alady. Osyǵan oraı 21 qańtar kúni Palata alańynda osy máseleni sheshý úshin jumys tobynyń otyrysy ótti, onda ýákiletti ortalyq jáne aýmaqtyq memlekettik organdardyń ókilderi beıne baılanys arqyly baılanys ornatyp, tájirıbelerimen bólisip, qoldanystaǵy zańnama normalaryn túsindirdi.
Bas prokýratýra men «Atameken» Ulttyq Kásipkerler palatasy arasyndaǵy 2020 jylǵa arnalǵan yntymaqtastyqty júzege asyrý jónindegi Jol kartasyn basshylyqqa ala otyryp jáne kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńes otyrysy hattamasynyń sheshimin oryndaý maqsatynda, Palata Almaty qalasynyń prokýratýrasyna ýákiletti memlekettik organdardyń is-áreketterin jan-jaqty zerdeleý boıynsha jumys júrgizý jáne jaýapty tulǵalarǵa qatysty sharalar qabyldaý týraly ótinishpen hat joldady.
Prokýratýra Almaty qalasynyń mamandandyrylǵan aýdanaralyq ákimshilik sotynyń atyna osy aıyppuldy tólegen kásipker (Dmıtrıı Maremýha jeke kásipker) múddesine narazylyq bildirgen.
Sot prokýrordyń narazylyǵyn tolyq qanaǵattandyrdy jáne qylmys quramynyń bolmaýyna baılanysty kásipkerge qatysty ákimshilik quqyq buzýshylyq týraly is boıynsha is júrgizý toqtatyldy.
Sondaı-aq IIM Ákimshilik polısııa komıteti «Atameken» UKP saýalyna jaýap retinde: «eger tasymaldaýshy avtomobıl kóligi salasyndaǵy qoldanystaǵy zańnama talaptaryna sáıkes kelse, ol marshrýttyq kólik quraldaryna arnalǵan jolaqpen qozǵalysty júzege asyrýǵa quqyly», dep habarlady.
Nátıjesinde avtotasymaldaýshylarǵa qatysty aıyppuldar joıylady jáne olarǵa qoǵamdyq kólik úshin joldardy paıdalanýǵa ruqsat etiledi.
