Bıyl «Túrkistan» ÁKK» AQ-y taý-ken ınfraqurylymynyń birinshi fazasyn iske asyrýdy josparlap otyr. Búgingi tańda nysannyń tehnıkalyq-ekonomıkalyq negizdemesine oń qorytyndy alynǵan, jobalyq-smetalyq qujattama ázirlenip, saraptamaǵa jiberildi. Memleket atynan operatory «Túrkistan» ÁKK» AQ-y bolyp tabylatyn joba «KaskasuResort» JShS seriktes - bastamashysymen birlesip júzege asyrylady.
Iske asyrylýy jyldarǵa sozylyp kele jatqan joba jóninde ótken jyly tamyzda «Egemen Qazaqstan» gazeti másele kóterip, «Qasqasýdyń qadiri. Shetel kompanııalary qyzyǵyp júrgen joba qashan júzege asady?» (№148 (29627) taqyrybymen maqala jarııalaǵan bolatyn. «Túrkistan» ÁKK» AQ baspasóz qyzmeti habarlaǵandaı, «Qasqasý» týrıstik-rekreasııalyq kesheni» aýmaǵynda taý ınfraqurylymy jáne kommersııalyq aımaq qurylysy kózdelgen. Teńiz deńgeıinen 1 750-den 3 200 metrge deıingi bıiktikte shańǵy trassalary, arqandy jáne bógen joldary, kótergishter, qonaqúıler, meıramhanalar, akvapark, Alpi aýyldary, oıyn, sport jáne jattyǵý ortalyqtary ornalasatyn bolady. Jalpy, Saıram-О́gem MUTP aýmaǵynda 360 ga jerde ornalasqan keshen aımaqta taý-shańǵy týrızmin, sondaı-aq qysqy sport túrlerin damytýǵa baǵyttalǵan.
Túrkistan oblysy
