Ushaqtyń basqa qalalardan kesh kelýine baılanysty 2 reıs keshigýde. Olar - «SCAT» áýe kompanııasynyń 1 reısi (Máskeý) jáne Qostanaıdan ushyp keletin «Qazaq Air» áýe kompanııasynyń 1 reısi.
Aýa raıynyń qolaısyzdyǵyna baılanysty taǵy 4 reıs keshigip jatyr.
- «Air Astana» áýe kompanııasynyń Omby qalasyna ushatyn 1 reısi;
- «Qazaq Air» áýe kompanııasynyń Qostanaıǵa ushatyn 1 reısi;
- «SCAT» áýe kompanııasynyń Ulan-Batyr jáne Máskeý qalalaryna ushatyn 2 reısi.
Sondaı-aq, «LOT Polish» áýe kompanııasynyń Nur-Sultan-Varshava baǵyty boıynsha eki reısi jáne «Air Astana» áýe kompanııasynyń Almaty, Omby jáne Máskeý qalalaryna ushatyn 3 reısi keıinge shegerildi.
Jolaqtaǵy kórinis - 350 metr, tiginen - 220 metr. Jel ekpini sekýndyna 23 metrge jetti.
Nursultan Nazarbaev halyqaralyq áýejaıy shtattyq rejımde jumys istep tur.
