Atyraý óńiri — Qazaqstan Respýblıkasynyń iri ındýstrıaldy aýdandarynyń biri. Oblys ekonomıkasyn damytýdyń basym baǵyttary – munaı-gaz óndirý ónerkásibi, qurylys materıaldary óndirisi, óńdeý, agroónerkásip jáne balyq salalary. Eger 1991 jyly jalpy óńirlik ónim kólemi 4,6 mlrd teńgeni quraǵan bolsa, 2019 jyldyń 9 aıynyń qorytyndysy boıynsha oblystyń jalpy óńirlik ónimi 5,8 trln teńgeni qurady. Halyqtyń jan basyna shaqqandaǵy jalpy óńirlik ónim 9 mln teńgege jetti.
Atyraý oblysy ákimdiginiń habarlaýynsha, 2019 jyly óńirdiń áleýmettik-ekonomıkalyq damýynyń barlyq kórsetkishteri boıynsha oń qarqyn saqtaldy.
