Qazaqstan • 27 Aqpan, 2020

Atyraýdyń 28 myńnan astam turǵyny ónerkásip salasynda jumys isteıdi

13 retkórsetildi

Sońǵy bes jylda óńirdiń ónerkásip kólemi qarqyndy damyp keledi. Bul týraly Premer-Mınıstrdiń baspasóz qyzmeti habarlady.

2020 jyldyń qańtar aıynda ónerkásip kásiporyndary 661,5 mlrd teńgege ónim óndirdi, onyń ishinde taý-ken jáne óńdeý salalarynda 601,9 mlrd teńge jáne tıisinshe 51,5 mlrd teńge.

Statıstıkalyq málimetter boıynsha óńirde 737 ónerkásiptik kásiporyn jumys isteıdi. О́nerkásip óndirisinde 28 myńnan astam adam jumys isteıdi.

Eń iri munaı kompanııalarynyń biri — 97 jyl boıy jumys istep kele jatqan «Embimunaıgaz» AQ. Kásiporyn geologııalyq barlaýdy, munaı-gaz ken oryndaryn ıgerýdi, munaı men gazdy óndirý men daıyndaýdy júzege asyrady. «Embimunaıgaz» AQ quramyna Atyraý qalasyndaǵy jáne Atyraý oblysynyń 4 aýdanyndaǵy 6 óndiristik qurylymdyq bólimshe kiredi: «Jylyoımunaıgaz», «Dossormunaıgaz», «Qaınarmunaıgaz» jáne «Jaıyqmunaıgaz», «Embimunaıenergo» basqarmasy jáne «О́ndiristik-tehnıkalyq qyzmet kórsetý jáne jabdyqtardy jınaqtaý basqarmasy». Qyzmetkerler sany — 5 myńǵa jýyq adam. Kompanııa óndiriletin munaıdy eksportqa jáne ishki naryqqa jetkizedi. Ishki naryqqa munaı QR munaı óńdeý zaýyttaryna jetkiziledi. Eksportqa munaı eki negizgi baǵyt boıynsha jetkiziledi: Kaspıı Qubyr konsorsıýmynyń jáne О́zen – Atyraý – Samara qubyr jelileri boıynsha.

1

Qurylys salasyndaǵy jetekshi kásiporyn — «Caspian Contractors Trust Atyrau» JShS. Zaýytta ǵımarattar men estakadalar, kópirler, fermalar, tirekter, modýlder, kólemi 20000 m3 deıingi rezervýarlar, ydystar, reaktorlar, shyraqty júıeler, munaralar, kótergish jabdyqtar jáne kez kelgen kúrdeliliktegi qubyrly bekitkish jobalanady jáne daıyndalady.

2019 jyly óndiris kólemi 8 mlrd teńgeni qurady. О́ndiristik baza 80 myń sharshy metr aýmaqta ornalasqan. «Caspian Contractors Trust Atyrau» JShS bas dırektory Nurken Esqalıev kásiporynnyń jylyna 24 myń tonna metall konstrýksııalaryn shyǵara alatynyn aıtty.

«2016 jyly biz rekonstrýksııalaýdyń birinshi kezeńin aıaqtadyq, sonyń arqasynda zaýyttyń ónimdiligi 10 esege artty. Qazirgi ýaqytta kásiporynda 450 adam jumys isteıdi. Bizdiń tapsyrys berýshilerimiz – Qashaǵan, Teńiz, Qarashyǵanaq ken orny sekildi óńirde jumys isteıtin iri operatorlar. Bul jobalardyń barlyǵy bizdiń ónimimizdiń tutynýshylary. Bıyl biz ystyqtaı myryshtaý sehyn iske qosýdy josparlap otyrmyz, sondaı-aq jetkizýshiler naryǵyndaǵy metall qurylymdary men tehnologııalyq jabdyqtardyń keshendi jetkizýshisi retindegi pozısııamyzdy kúsheıtýdi kózdeımiz», — dedi N. Esqalıev. 

Búginde Atyraý oblysynda tabysty damyp kele jatqan taǵy bir kásiporyn — «Caspiy Plus» JShS — taý-ken jáne munaı ónerkásibine arnalǵan buıymdardyń negizgi óndirýshisi. Kompanııa 2008 jyly qurylǵan jáne qazirgi ýaqytta óndiristik qýattardyń úzdiksiz ulǵaıýymen jáne qyzmetkerlerdiń bekitý buıymdaryn óndirý tehnologııasyndaǵy quzyrettilik deńgeıimen damyp keledi. Kompanııa buǵan deıin Avstralııa men Eýropadan ákelingen 500-den astam ónim túrlerin ımportpen almastyrýmen aınalysady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar