Qazaqstan • 27 Aqpan, 2020

Atyraý oblysynda balyq ónerkásibi damýda

41 retkórsetildi

2019 jyldyń maýsym aıynda Atyraý oblysyna jumys sapary barysynda QR Prezıdenti Q. Toqaev óńirde munaı-gaz salasynan basqa balyq aýlaýdy damytý qajettigin atap ótti. Bul týraly Premer-Mınıstrdiń baspasóz qyzmeti habarlady.

«Jergilikti ekonomıkanyń munaı-gaz jáne munaı-hımııa keshenderinen basqa da salalaryn damytý qajet. О́ńirdiń balyq ónerkásibin qalpyna keltirý jáne osy sektorǵa ınvestorlar tartý kerek. Qabyldanǵan sharalardyń nátıje bermeı jatqanyn kórip otyrmyz. Bizdiń azamattar naqty ister kútedi. Aýyl sharýashylyǵy mınıstrligi jáne ákimdik bul máselege basa nazar aýdarýy kerek», — dedi Qasym-Jomart Toqaev Atyraý oblysynyń jurtshylyǵymen kezdesýde.

Búginde Atyraý oblysy tek munaı astanasy ǵana emes, sondaı-aq balyq ónerkásibiniń damýymen de tanymal.

Qazirgi tańda oblysta balyq aýlaýmen jáne ony óńdeýmen ár túrli menshik nysanyndaǵy 19 óndiristik kásiporyn, 2 bekire balyq ósirý zaýyty aınalysady.

2019 jyly balyq eksporty 8,9 myń tonnany qurady.

Bekire balyqtarynyń tabıǵı ósimi kóleminiń qysqarýyna jáne Kaspıı teńiziniń soltústik-shyǵys jaǵalaýynda kómirsýtek shıkizatyn óndirýdi qarqyndatýǵa baılanysty Oral ózeniniń atyraýynda ótemdik nysan retinde 1998 jyly Atyraý bekire balyq ósirý zaýyty salynyp, paıdalanýǵa berildi.

Kásiporyn qyzmetiniń máni — Jaıyq ózenine jasandy tásilmen alynǵan jáne ósirilgen bekire tuqymdas balyq túrleriniń shabaqtaryn shyǵarý jolymen Kaspıı teńizi bekire balyq túrleriniń qorlaryn tolyqtyrý. Zaýyt dırektory Rashıden Qalıdýllın aıtyp ótkendeı, jyl saıyn zaýytta 3,5 mln dana bekire tuqymdas balyqtardyń shabaǵy shyǵarylady. Negizinen aqserke, bekire, shıp jáne shoqyr.

1998 jyldan bastap 2019 jylǵa deıin Oral-Kaspıı basseınine 89 mlrd danadan astam bekire tuqymdas balyqtardyń ómirsheń shabaqtary ósirilip, jiberildi. 

2

«Biz Memleket basshysynyń tapsyrmasyn 100% oryndap jatyrmyz. Bekire tuqymdas balyqtardyń 3,5 mln shabaǵyn óndiremiz, tabıǵat paıdalanýshylar úshin bekire tuqymdas balyqtyń 120 myńnan astam shabaǵyn óndiremiz. Zaýyttyń jumysshylary týraly aıtatyn bolsaq, bizde 78 adam jumys isteıdi. Olardyń 60%-y – balyq sharýashylyǵynyń mamandary», — dedi Atyraý bekire balyq ósirý zaýytynyń dırektory Rashıden Qalıdýllın.

1934 jyldan bastap balyq ónimderin shyǵarýmen «Amangeldi atyndaǵy» JShS aınalysady. Osy jyldar boıy kásiporynnyń negizgi qaǵıdasy — eń jaqsy, ekologııalyq taza balyq ónimderin shyǵarý. Táýligine munda 395 tonna balyq óńdeledi. 2019 jyly 1,1 myń tonna muzdatylǵan balyq, 225 tonna súıeginen ajyratylǵan balyq eti jáne 50 tonna óńdelgen balyq óndirildi. «Amangeldi atyndaǵy» JShS ónimderi Qazaqstan, Reseı, Ýkraına jáne Ázerbaıjan, О́zbekstan jáne Fransııa, Bolgarııa, Germanııa naryqtarynda úlken suranysqa ıe.

Balyq aýlaý salasynda jumys isteıtin taǵy bir kásiporyn — «Saspian Royal Fish» JShS bekire balyq ósirý zaýyty. Kásiporyn óz qyzmetin 2014 jyly «Caspian Royal Fish» ataýymen bastady. 2019 jyly zaýyt 12,5 tonna taýarlyq balyq jáne 620 kg taǵamdyq ýyldyryǵyn óndirdi. Caspian Royal Fish bas balyq ósirýshisi Ahat Nımatov zaýyttyń jumys kórsetkishteri men bolashaqqa josparlary týraly aıtyp berdi.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar