27 Aqpan, 2020

Týrızm: Atyraý oblysynda jeti kıeli jer ornalasqan

367 retkórsetildi

Atyraý oblysy — Qazaqstannyń eń damyǵan ındýstrııalyq óńirleriniń biri. Munda sheteldik jáne otandyq kapıtal salymdary shoǵyrlandyrylǵan, bul oblystyń ǵana emes, jalpy respýblıkanyń ekonomıkasynyń qarqyndy ósýin úzdiksiz qamtamasyz etedi. 

Sonymen qosa, týrızm salasyn damytýǵa da erekshe kóńil bólinedi. Iskerlik týrızm boıynsha oblys Qazaqstanda kóshbasshy oryndardyń birin alady.

2019 jyly III toqsanda ishki týrızm boıynsha 130 685 kelýshige (2018 jylǵy deńgeıge 29 312 adamnan astam), kelý týrızmi boıynsha — 57 251 kelýshige (2018 jylǵy deńgeıge 7 837 adamnan astam) qyzmet kórsetildi. 

Oblysta mádenı-tanymdyq týrızm (ólke tarıhymen, onyń salt-dástúrimen tanysý), sporttyq-áýesqoılyq (ań aýlaý jáne balyq aýlaý), etnografııalyq, ekologııalyq jáne saýyqtyrý týrızmi damytyla bastady. 

3

Qazirgi kezde Atyraý qalasynda sholý ekskýrsııasy baǵdarlamasy ázirlengen jáne jumys isteıdi, onda kóptegen qyzyqty tarıhı, mádenı kórnekti jerlerdiń, eskertkishter men oıyn-saýyq nysandarynyń, sondaı-aq óńirde ómir súrip jatqan túrli halyqtardyń as mázirlerin qamtyǵan meıramhanlar men dámhanalar qamtylǵan. Sonymen qosa, týrıster shyǵarmashylyq ortalyqqa bara alady, onda apta saıyn qazaq halqynyń salt-dástúri kórsetiledi. 

Sondaı-aq jaz mezgilinde qala turǵyndary men qonaqtary úshin Atyraý qalasynyń dál ortalyǵynan aǵyp ótetin jáne qalany eki qurlyqqa: Eýropa men Azııaǵa bóletin Jaıyq ózeni boıynsha ekskýrsııalyq teplohodpen serýendeý múmkindigi qarastyrylǵan. 

«Aqjaıyq» memlekettik tabıǵı rezervatynyń aýmaǵynda Kaspıı teńiziniń jaǵalaýynda Qyzyl kitapqa engizilgen sırek kezdesetin qustardyń biregeı túrleri bar jáne munda áýesqoılyq sporttyq balyq aýlaýǵa ruqsat etilgen, bul týrıster úshin asa qyzyǵýshylyq týdyrady.

Jazǵy kezeńde qala qonaqtary «arqan parkteri», «quzǵa shyǵý», «jylqy men túıemen serýendeý» túrinde oıyn-saýyq qyzmetteri usynylatyn, Jaıyq ózeniniń jaǵalaýyndaǵy týrbazalarǵa bara alady. 

О́ńirde Qazaqstannyń kıeli jerleriniń tizimine engen 7 tarıhı eskertkish bar (Mahambet aýdany: «Saraıshyq» memorıaldyq kesheni; Jylyoı aýdany: Aqmeshit qorymy, Qulshan ata jerasty meshiti, Araltóbe qorǵany, Imanqara kesheni, Ushqan ata qorymy; Inder aýdany: Mahambet О́temisuly mazary).

Qurmanǵazy aýdany munda demalys oryndarynda Qıǵash ózenindegi balyq aýlaý jáne ań aýlaý jumystarynyń jolǵa qoıylǵanymen erekshe. Qıǵash ózeni jaǵalaýynyń ádemi tabıǵı orny men taza aýasy ekologııalyq týrızmdi damytý úshin úlken áleýetke ıe.

Oblys qonaqtary men kelýshileri agroónerkásiptik sektor obektilerine, atap aıtqanda, túıe, jylqy jáne basqa da fermalarǵa qyzyǵýshylyq tanytady.

Oblystyń týrıstik kompanııalary ishki jáne syrttan kelý týrızmin damytý maqsatynda marshrýttardy belsendi ázirleýdi jalǵastyrýda.

О́ńirdiń eń perspektıvalyi týrıstik nysandarynyń biri — Uly Jibek jolynyń soltústik bóligindegi ejelgi «Saraıshyq» qalashyǵy. Týrıster men saıahattaýshylar ádette osy nysanǵa asa qyzyǵýshylyq tanytady. 

Jyl saıyn «Saraıshyq» memorıaldyq keshenine kelýshiler sany 12-den 15 myń adamǵa deıin quraıdy. Nysannyń tarıhı mańyzdylyǵyn eskere otyryp, «Ortaǵasyrlyq Saraıshyq» kesheniniń qurylysy jobasynyń jospary ázirlendi. Búgingi tańda ejelgi qala jobasynyń maketi men ǵylymı negizdemesi ázirlendi. «Ortaǵasyrlyq Saraıshyq» týrıstik nysany qurylysynyń birinshi kezeńi — Vızıt-ortalyǵynyń salynýy.

2017 jyly Vızıt-ortalyqtyń jobalyq-smetalyq qujattamasyn ázirleýge jergilikti bıýdjetten 43,6 mln teńge bólindi. Búgingi tańda jobalyq-smetalyq qujattama ázirlenip jatyr.

Inder aýdanynda tuzdy kóldiń bolýy osy jerde saýyqtyrý týrızmin damytýǵa múmkindik beredi. О́tken jyly oblys ǵalymdary Inder tuzdy kóliniń balshyǵy men tuzyn emdeý maqsatynda paıdalaný boıynsha ǵylymı-zertteý jumystaryn júrgizdi jáne ártúrli aýrýlar kezinde olardyń baǵalyǵyna baılanysty oń nátıje aldy. Tuzdy kóldi tıimdi paıdalaný maqsatynda «NefteStroıServıs» JShS múddeli ınvestorǵa Inder tuzdy kóliniń jaǵasynan 50 ga jer usynyldy. Qazirgi ýaqytta atalǵan mekeme topografııalyq túsirilim men jobalaý-smetalyq qujattamany ázirleýde. «NefteStroıServıs» JShS derekteri boıynsha joba birneshe kezeń boıynsha júrgiziledi.

Sondaı-aq jeke ınvestor esebinen Atyraý qalasynda Etnoaýyl salý josparlanýda. Qazirgi tańda ınvestorlarǵa «Atyraý» ÁKK» AQ-men birlesip «Nurly taý» JShS quryldy jáne jarǵylyq kapıtaly anyqtaldy, sondaı-aq saraptamadan ótip jatqan jobalaý-smetalyq qujattama daıyndaldy. Etnoaýyl qurylysynyń bastalýy 2020 jyldyń ekinshi jartyjyldyǵyna josparlanǵan.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar