IIM TJ komıtetiniń aýmaqtyq bólimsheleriniń qyzmetkerlerinen basqa oqý-jattyǵýdy ótkizý úshin Almaty qalasynyń azamattyq qorǵaý qyzmetteri men Almaty qalasy ákimi apparatynyń qutqarý qyzmeti jumyldyryldy. Oqý-jattyǵýdy ótkizý oıyna sáıkes Almaty qalasynyń avarııalyq-qutqarý qyzmetteri men quralymdarynyń ótken jyldardaǵy sý tasqyny tájirıbesine súıene otyryp, qalanyń jıi sý basatyn ýchaskelerinde olardy naqty qoldaný arqyly daıyndyǵy tekserildi. Tájirıbelik is-qımyldardy oryndaý úshin eki jattyǵý orny anyqtalǵan: № 1 jattyǵý ornynda – F. Ońǵarsynova kóshesi boıynda ornalasqan uzyndyǵy 350m bolatyn jeke turǵyn úılerdi sý basýyn boldyrmaý úshin ózenniń arnasyn tereńdetý jumystary jáne qar men muzdan tazalaý jumystary júrgizildi. Tazartý nátıjesinde 10 m3 qyzyl sý muzy shyǵaryldy. № 2 jattyǵý orny – «Alǵabas» yqsham aýdany, Qojabekov kóshesiniń kópir qıylysyndaǵy Bes Arys kóshesiniń boıynda ornalasqan, uzyndyǵy 500 m bolatyn jeke turǵyn úılerdi sý basý jáne muzdyń aldyn alý úshin qar men muzdan tazartý jumystary júrgizildi. Tazartý nátıjesinde 15 m3 qyzyl sý muzy jáne 4 m3 qatty turmystyq qaldyqtar shyǵaryldy.
Oqý-jattyǵý aıasynda sondaı-aq «Qarǵaly» ózeninde uzyndyǵy 0,8 km quraıtyn ózen arnasyn qardan, muzdan jáne qatty turmystyq qaldyqtardan tazartý jumystary júrgizildi. Uıymdastyrýshylardyń pikirinshe, jyl saıyn ótkiziletin oqý-jattyǵýlar azamattyq qorǵaýdyń memlekettik júıesiniń kóktem kezeńindegi yqtımal tótenshe jaǵdaılardyń saldaryn joıýǵa daıyndyǵy men qabilettiliginiń deńgeıin arttyrýǵa múmkindik beredi.
Oqý-jattyǵýdy ótkizý kezinde azamattyq qorǵaý qyzmetteri qalyptasqan jaǵdaıdy tolyq meńgerip, sý tasqyny barysynda tótenshe jaǵdaıdyń aldyn alý jáne joıýǵa qabiletti ekenin kórsetti.
ALMATY
