Qoǵam • 27 Aqpan, 2020

Nur-Sultan: Kámelettik jasqa tolmaǵandar qoǵamdyq kólikte tegin júredi

444 ret

kórsetildi

1 mın

oqý úshin

2020 jylǵy 28 naýryzdan bastap elordada barlyq kámeletke tolmaǵandar úshin jol júrý tegin bolady. Qoǵamdyq kólikpen júrýge qatysty birqatar máseleler azamattardy qabyldaý, máslıhat sessııalary men eseptik kezdesýlerde kóterildi. Tasymaldaýshylarmen kelissózder barysynda qala ákimi 18 jasqa tolmaǵan tulǵalar úshin jol júrý tegin bolatyny týraly sheshim qabyldady. Shetkeri aımaqtarda turatyn kámiletke tolmaǵan balalar da tegin qatynaı alady. Bul týraly Nur-Sultan qalasy ákimdiginiń baspasóz qyzmeti habarlady.

Egemen Qazaqstan

Nur-Sultan: Kámelettik jasqa tolmaǵandar qoǵamdyq kólikte tegin júredi

28 naýryzdan bastap balalarǵa jol júrý tegin bolady. Osy ýaqyt aralyǵynda barlyq daıyndyq jumystary júrgiziledi. Olardyń qataryna túsinikteme berý, balalarǵa olardyń attary jazylǵan kólik kartalaryn satyp alý jatady (kólik kartasy barlaryna kartany aýystyrýdyń ne jańasyn satyp alýdyń esh qajeti joq).

Avtobýsta kólik kartasynyń valıdasııasy (tegin jol júretin turǵyndar úshin de) mindetti bolyp qalady, sebebi sol derekter negizinde qoǵamdyq kólik marshrýttary jasalady.

7 jastan 15 jasqa deıingi jolaýshylar úshin qoǵamdyq kólikte jol júrý quny 40 teńge boldy, al 15 jastan asqan turǵyndar úshin 90 teńge bolatyn. Jeńildigi bar azamattardyń sanattaryna jatatyn turǵyndar da tegin jol júredi.