Parlament • 27 Aqpan, 2020

Qazaqstan men Armenııa arasyndaǵy qosarlanǵan salyqty boldyrmaý máselesi qaraldy

404 retkórsetildi

Senatta Qarjy jáne bıýdjet komıtetiniń tóraǵasy Olga Perepechınanyń tóraǵalyq etýimen bolǵan komıtettiń keńeıtilgen otyrysynda «2006 jylǵy 6 qarashadaǵy Qazaqstan Respýblıkasynyń Úkimeti men Armenııa Respýblıkasynyń Úkimeti arasyndaǵy Tabys pen múlikke salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııa jáne oǵan Hattama sheńberinde Respýblıkasynyń jáne Armenııa Respýblıkasynyń ýákiletti organdary bergen rezıdenttikti rastaıtyn resmı qujattardy taný tártibi týraly notalar almasý nysanyndaǵy kelisimdi ratıfıkasııalaý týraly» zań jobasy qaraldy. Bul týraly Parlament Senatynyń baspasóz qyzmeti habarlady. 

Sharaǵa Senat depýtattary men Qarjy mınıstrliginiń ókilderi qatysty.

Qazaqstan men Armenııa arasyndaǵy qosarlanǵan salyqty boldyrmaý jónindegi zań jobasyn qarjy mınıstriniń orynbasary Qanat Baedilov tanystyrdy.

«Bul rásim eki memlekettiń salyq tóleýshilerine apostıl qoıylmaǵan rezıdenttik-sertıfıkatyn salyq agentine usynýǵa múmkindik beredi. Kelisimdi oryndaý úshin memlekettik bıýdjetten qarjylyq shyǵyndar talap etilmeıdi. Sizderden osy kelisimdi ratıfıkasııalaý týraly oń sheshim qabyldaýlaryńyzdy suraımyn», - dedi Q.Baedilov.

Qarjy jáne bıýdjet komıtetiniń hatshysy Erbolat Muqaev ekijaqty kelisimniń salyq tóleýshilerge qandaı naqty jeńildikter bolatynyn surady.

Qarjy mınıstri orynbasarynyń aıtýynsha, bul rásim eki memlekettiń salyq tóleýshilerine apostıl qoıylmaǵan rezıdenttik-sertıfıkatyn  salyq agentine usynýǵa múmkindik beredi. «Qazirgi ýaqytta bizdiń eldiń azamattary Armenııaǵa baryp qyzmet nemese taýar usynsa qosymsha tabys salyǵyn tóleıdi. Ol úshin arnaıy sertıfıkaty bolýy qajet. Al osy jasalǵaly jatqan kelisimniń negizinde qosymsha salyq tóleýdiń qajeti joq. Iаǵnı bul memleket tarapynan kórsetilip otyrǵan qoldaý bolyp tabylady. Atalǵan zań jobasyn ratıfıkasııalaý bastamasyn Qazaqstan usynyp otyr», - dep jaýap berdi qarjy mınıstriniń orynbasary Qanat Baedilov.

Komıtet tóraǵasy Olga Perepechına zań jobasyn talqylaýdy qorytyndylaı kelip, ony Senattyń jalpy otyrysynda qaraýdy usyndy. «Búginde Qazaqstan aýmaǵynda Armenııa eliniń 42 zańdy tulǵasy tirkelgen. El bıýdjetine 56 mln teńge korporatıvtik salyq tústi. Eki el de Ekonomıkalyq yntymaqtastyq jáne damý uıymynyń múshesi bolyp tabylady. О́tken jylǵy Qazaqstan men Armenııa arasyndaǵy taýar aınalymy 16 mln AQSh dollaryn quraıdy», - dedi O.Perepechına.

Ekijaqty kelisim Qazaqstan Respýblıkasy men Armenııa Respýblıkasynyń ýákiletti organdary rezıdenttikti rastaıtyn resmı qujattardy tanýdyń qandaı da bir arnaýly kýálandyrý nemese konsýldyq zańdastyrýdy joıý arqyly jeńildetilgen tártip belgileýge múmkindik beredi.

Zań jobasy Palata qaraýyna jiberildi.

Sońǵy jańalyqtar

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Gúl naryǵy da naıqalyp jatyr...

Qoǵam • Búgin, 15:25

Qazalyda kim qaýeset taratty?

Aımaqtar • Búgin, 14:30

TJ rejimin oıynshyq kóretinder kóp

Aımaqtar • Búgin, 14:19

Zeınetaqy men járdemaqylar ósti

Ekonomıka • Búgin, 14:12

Tumaýdan otyz ese tez juǵady

Suhbat • Búgin, 14:00

Kóktemgi egiske kóp qalǵan joq

Qazaqstan • Búgin, 13:32

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Uqsas jańalyqtar