Aımaqtar • 27 Aqpan, 2020

Almatylyq soǵys ardagerine Prezıdentten hat keldi

166 retkórsetildi

Aqpan aıynyń basynda Ulttyq ulannyń jaýyngerleri Uly Otan soǵysyndaǵy Jeńistiń 75 jyldyǵyna arnalǵan «Biz – Jeńistiń muragerimiz!» taǵzym estafetasy aıasynda áıgili Panfılov dıvızııasynyń jaýyngeri, Almatylyq Uly Otan soǵysynyń ardageri Qaıyrly Jonqabaevtyń  úıiniń aýlasynda saltanatty sherý uıymdastyrǵan bolatyn. Ardager ózine kórsetilgen qurmetke rızashylyq bildirip, Prezıdent Qasym-Jomart Toqaevqa alǵys hat joldaǵan edi. Kóp keshikpeı Memleket basshysynan jaýap ta keldi.

Ardagerge arnalǵan hat  Ulttyq ulannyń «Ońtústik» óńirlik qolbasshylyǵyna kelip túskendikten, Qazaqstan Respýblıkasy Ulttyq ulany «Ońtústik» óńirlik qolbasshylyǵy qolbasshysynyń orynbasary polkovnık Nııaztaı Álkeshev bastaǵan áskerıler Qaıyrly Ýataıulynyń úıine baryp, el Prezıdentiniń hatyn tabys etti.

Júrekjardy hatta: «Qurmetti Qaıyrly Ýataıuly! Izgi tilekpen jáne ystyq yqylaspen jazǵan hatyńyzdy aldym. Jyly lebizińiz úshin shyn kóńilmen alǵysymdy bildiremin. Bıyl elimizde Uly Jeńistiń 75 jyldyǵy keń kólemde atalyp ótedi. Bul – eń aldymen, ózińiz sııaqty ardagerlerimizge kórsetken qurmetimiz. Sizderdiń zulmat jyldardaǵy erlikterińiz eshqashan umytylmaıdy.Soǵystan keıingi adal eńbekterińiz de óskeleń urpaq úshin árdaıym úlgi-ónege. Sizder Qazaqstannyń táýelsiz memleket retinde qalyptasýyna zor úles qostyńyzdar. Sondyqtan ózderińizdi ardaqtap, erlikterińizdi dáripteý – azamattyq ári perzenttik boryshymyz. Sizge zor densaýlyq, áýletińizge amandyq tileımin! Júzge jetip, ǵasyr toıyn toılańyz! Urpaǵyńyzben myń jasańyz!» dep jazylǵan.

Memleket basshysynan hat alǵan qarııanyń kóńili shalqyp, rıza boldy: «Qurmetterińe raqmet, aınalaıyndar! Eń aldymen elimiz  aman bolsyn. Maǵan ýaqytyn bólip lebizin bildirgen Prezıdentimizge  rızamyn! Elimiz úshin atqaryp jatqan qyzmeti baıandy bolyp, úlken jetistikterge jeteıik.   Memleketimiz damyp, bolashaǵymyz baıandy bolsyn. Keleshek jastardyń qolynda. Olar sony bilýi kerek», - dedi ardager.

Qaıyrly Ýataıuly 1921 jyly 10 qyrkúıekte Shyǵys Qazaqstan oblysy Samar aýdanynda dúnıege kelgen. Eńbek jolyn 1940 jyly ShQO Qulja orta mektebinde muǵalim bolyp bastaǵan. 1941 jyly qazan aıynda Panfılov dıvızııasynyń 23-shi gvardııalyq polkine Qyzyl Ásker jaýyngeri bolyp alyndy.  

Ardager soǵysqa basynan aıaǵyna deıin qatysqan. 8-shi gvardııalyq atqyshtar dıvızııasy quramynda pýlemetshi bola júrip,   Keńes Odaǵynyń Batyry Málik Ǵabdýllınmen bir sapta shaıqasqan. Belorýssııa, Polsha, Estonııany azat etýge qatysqan.    1943 jyly aqpanda Rjevtegi qandy maıdanda aýyr jaralanǵan jaýynger jeńisti Drezdende qarsy alypty.

Sońǵy jańalyqtar

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar