Kitap pishininde jasalǵan oryndyq aýdıojúıelermen qamtamasyz etilip, onda tanymal tarıhı tulǵalardyń ómirderegi, ánderi men óleńderi jazylatyn bolady. Saıabaqqa kelip, demalýshylar oryndyqqa jaıǵasqan sátte aýdıojazba iske qosylady, delingen inalmaty.kz málimetinde. Tuńǵysh Prezıdent saıabaǵynda ornalastyrýdy qarastyryp otyrǵan aýdan ákimdigi jobanyń iske asýyn sáýir, mamyr aılaryna josparlap otyr. Qala shýynan tysqary, tynysh mańǵa qoıylatyn «sóıleıtin» oryndyq saıabaq sánin keltirip qana qoımaı, ulttyq mádenı murany nasıhattaýǵa yqpal etedi.
Jobanyń quny shamamen 1 mln teńge. Avtor óz jobasyna Túrkııanyń oryndyq-kitapshasyn úlgi etip alǵan. Mundaı oryndyqtar Túrkııanyń birneshe qalasynda, sondaı-aq Ulybrıtanııa men Reseıdiń Týla qalasynda da ornalasqan.
ALMATY
