Aqtóbe • 27 Aqpan, 2020

Qazaq halqymen birge bolýymyz - baqytymyz

379 retkórsetildi

Qazaq jerin óz otany dep sanaıtyn dıasporalar Qazaqstanǵa taǵdyrdyń teperishine tap kelgen túrli kezeńderde kelgeni haq. Solardyń biri – polıak ultynyń ókilderi. Búgingi kúni olar osynaý qasıetti de kıeli topyraqqa tastaı batyp, sýdaı sińip, qazaq halqymen birge tatý-tátti tirlikte ómir súrip, eńbek etip keledi. Bizdiń ata-babalarymyzdyń Uly dalaǵa alǵash ret aıaq basýy – sonaý  HIII ǵasyrda tirkelgen eken. Iаǵnı Aral mańy arqyly Syrdarııa men Ile alqabyna tuıaq iliktirip, sodan soń Balhash kóliniń tusynan ótken polıaktar – búginde táýelsiz elimizdiń ajyramas bir bóligine aınaldy.

Olar ortaq otanymyz Qazaqstannyń damýy men ósip-órkendeýine óz úlesterin qosýda. 1992 jyldyń 6 sáýiri kúni Qazaqstan men Polıak respýblıkalary arasynda dıplomatııalyq qarym-qatynas ornatyldy. Biz qazaqstandyq polıak etnosynyń ókilderi sol kezeńnen beri qos memlekettiń senimdi áriptesteri retinde tyǵyz qarym-qatynastar men ózara baılanystar jasap kele jatqanyna súısinemiz. Bul jaǵymdy jáıt mereıimizdiń ósirip, janymyzdy jadyratady.

Sondaı-aq 1994 jyldyń 20 naýryzynda Polshanyń elshiligi Qazaqstanda ashylsa, 2000 jyldyń qazanynan bastap Polshada Qazaqstannyń elshiligi óz jumysyn bastady. Qazaq topyraǵynda qazaqstandyq polıaktardyń alǵashqy birlestigi sonaý sekseninshi jyldary quryla bastasa, Aqtóbe oblysynda mundaı qoǵamdyq uıymnyń qaz basyp, qyzmet jasaı bastaǵanyna bıyl 20 jyl tolyp otyr. Budan shyǵatyn túıin - bizdiń janymyzǵa árkez jyly nur quıady. Taǵdyrdyń qazaq halqymymen birge bolýdy jazǵany – bizdiń baqytymyz jáne alańsyz ǵumyrymyz ben eseli eńbegimiz dep senimmen aıta alamyz. Uzaq jyldardan beri qos halyq ókilderiniń arasynda tıtteı bolsa da jaryqshaq, syzat túspegeni atap aıtýǵa turarlyq másele dep sanaımyz.

Bizdiń bilýimizshe, álem halyqtary arasynda qazaq halqyn erekshelendirip turatyn jaıt – olardyń boıyndaǵy sózben aıtyp jetkizgisiz baı adamgershilik qasıetteri. Memleket quraýshy ulttyń eshkimdi jatsynbaıtyn márt minez-qulqy, óziniń balasyndaı keń aıqara qushaǵy elimizdegi tatýlyq pen kelisimniń basty kepili bolyp otyr. Qazaq halqynyń boıyna o bastan ornyqqan qonaqjaılyq pen qarapaıymdylyq ta ózge otandastarǵa shýaǵyn shashyp keledi.

Mine, osyndaı kek, dyq saqtamaıtyn, meıirimi men keshirimi mol, shynaıy, adal dostyqty tý etip kóterip, ony baǵalaı biletin halyqqa aıtar alǵysymyz sheksiz. Memleket quraýshy ultty ózgelerden daralap turatyn taǵy bir qaıseti – jasaǵan jaqsylyǵy men qaıyrymdylyǵy úshin eshkimnen eshqashan eshteńe suramaıtyndyǵy, ony buldamaıtyndyǵy. Sondyqtan da búgingi Alǵys aıtý kúni osy aıtýly datany belgilegen jáne qazaq memlekettigin óz qolymen quryp, barsha álemdik qaýymdastyqqa tanyta alǵan Qazaqstan Respýblıkasynyń Tuńǵysh Prezıdenti Nursultan Nazarbaevqa jáne sabaqtastyq saltyn saqtaı bilgen búgingi Memleket basshysy Qasym-Jomart Toqaevqa polıak etnomádenı birlestigi atynan sheksiz rızashylyǵymyz ben alǵysymyzdy jetkizgimiz keledi.

Biz úshin Alǵys aıtý kúni - tatýlyq pen ózara kelisimdi pash etetin erekshe kún. Endeshe, osyndaı mereıli sátte zamana zapyrany qazaq jerine tap keltirýge májbúrlegen myńdaǵan jandy jatsynbaı qarsy alyp ári qolyndaǵy rızyq-nesibesin olarmen bólisken Uly dalanyń búgingi muragerlerine taǵy bir márte basymyzdy ıip, alǵysymyzdy aıtý artyqtyq etpeıdi.

 

Elena SIBÝLSKAIа,

Aqtóbe oblysy polıaktarynyń

«Svıatlo» etnomádenı birlestiginiń tóraıymy

AQTО́BE 

 

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar