Álem • 27 Aqpan, 2020

Koronavırýs: Álemdegi ahýalǵa sholý

193 retkórsetildi

Koronavırýs indeti Qytaıdan basqa aýmaqtarǵa da taralyp jatyr. 27 aqpandaǵy jaǵdaı boıynsha vırýs 48 elge jetse, aýrýdyń 82 myńǵa jýyq jaǵdaıy rastaldy. Dúnıejúzilik densaýlyq saqtaý uıymy bir kún buryn málimdegendeı, vırýs Qytaıǵa qaraǵanda basqa elderde tez taralady.

О́tken táýlikte Italııadaǵy jaǵdaılardyń sany úshten birge ósip, qazirgi ýaqytta juqtyrǵandar sany 453 adamdy quraıdy. Saqtyq sharasy retinde Saýd Arabııasy qajylardyń Mekkege kirýine ýaqytsha tyıym saldy.

Jalpy álemde vırýs juqtyrǵan 2 804 adam qaıtys boldy.

Italııadaǵy jaǵdaıdyń ýshyǵýyna aýrýhanalar kináli me?

Dertke shaldyqqandardyń basym kópshiligi – Italııanyń soltústigindegi ónerkásiptik aımaqtarda, onyń ishinde astanasy Mılan jáne Lombardııada tirkelgen. Aýrýdyń kóp tirkelýi boıynsha ekinshi orynda - Venesııa jáne osy qalany qorshaǵan aýdan tur. Sońǵy táýlik ishinde Italııadaǵy aýyrǵandardyń sany kúrt ósip, seısenbi kúni keshke 323 vırýstyń tasymaldaýshysy anyqtalsa, 12 adam qaıtys bolyp, úsheýi emdeldi.
El Úkimeti aýrýdyń taralýyn boldyrmaý úshin qoldan kelgenniń bárin jasap jatqanyn aıtady.

Eldegi mektepter, ýnıversıtetter men kınoteatrlar jabylyp, birneshe qoǵamdyq shara toqtatyldy. Jalpy sany 55 myń adamnan turatyn birneshe qala karantınge jabyldy. Kópshilik koronavırýstyń órshýi Italııa ekonomıkasynyń quldyraýyna alyp kelýi múmkin dep úreılenedi.

Italııa prokýratýrasy Lombardııadaǵy aýrýhanalardy tekserýdi bastady. Buǵan deıin BAQ betterinde aýrýhanalardyń birinde «sýper-dıstrıbıýtor» bolyp shyqqan naýqasty tekserýge súıregeni týraly habarlamalar paıda boldy. Bulaı dep vırýsty basqalarǵa qaraǵanda kóp adamǵa juqtyratyn pasıentterdi ataıdy. Bul jaǵdaıdan keıin Premer-Mınıstr Djýzeppe Konte qyzmetkerleriniń jaýapsyzdyǵy úshin aýrýhana jumysyn synǵa aldy.

BBC.com habarlaǵandaı, Kodono qalasyndaǵy 150-den asa naýqastyń vırýs juqtyrýyna 38 jastaǵy Mattıa esimdi er azamatty aıyptaıdy.  Er adam qala aýrýhanasyna jatqyzylǵanǵa deıin óziniń júkti áıeli men dosyna jáne barǵa kelgen úsh qart adamǵa juqtyrǵan, sonymen qatar, jartylaı marafonda júgirip, fýtbol oınaǵan degen derek bar. Resmı málimetter boıynsha, Mattıa esimdi azamatqa vırýs Qytaıdan kelgen keme ıesinen juqqan. Bılik basqa málimetterdi ázirge jarııalaǵan joq.

Basqa elderdegi ahýal qandaı?

  • Amerıka Qurama Shtattary men Ońtústik Koreıa birlesken áskerı jattyǵýlardy belgisiz merzimge keıinge qaldyrdy. Ońtústik Koreıada 334 jańa jaǵdaı tirkelgen.
  • Saýd Arabııasy saqtyq sharasy retinde sheteldik qajylardyń musylmandyq qasıetti Mekke jáne Medına qalalaryna kirýin ýaqytsha toqtatady. Saýd Arabııasynyń syrtqy ister mınıstrligi sonymen birge vırýs qaýpi bar elderden kelgen týrısterdiń elge kirýine ýaqytsha tyıym salatynyn málimdedi.
  • Irakta kópshilik is-sharalarǵa tyıym salynyp, mektepter, ýnıversıtetter men demalys oryndary jabyldy. Osyndaı is-sharalar Kýveıt pen Bahreınde aýrý jaǵdaılary anyqtalǵannan keıin engizilgen.
  • Qytaıda sársenbi kúni koronavırýstan 29 adam qaıtys boldy - bul qańtar aıynyń aıaǵyndaǵy eń az qurban bolǵandar. Bir kún buryn 52 adam qaıtys boldy.
  • Anglııada ınfeksııanyń taǵy eki jaǵdaıy tirkeldi - Ulybrıtanııada barlyǵy 15 naýqas bar.
  • Japonııa Premer-mınıstri Sındzo Abe beısenbi kúni el úkimetiniń barlyq orta jáne bastaýysh mektepterdi kóktemgi demalys aıaqtalǵanǵa deıin, ıaǵnı naýryz aıynyń sońyna deıin jabý týraly usynys jasaıtynyn habarlady.

 

Koronavırýstyń taralý hronologııasy:

31 jeltoqsan: Qytaı Dúnıejúzilik densaýlyq saqtaý uıymyna Ýhandaǵy erekshe pnevmonııanyń birneshe jaǵdaıy týraly eskertedi.

7 qańtar: Qytaı bıligi koronavırýstyń jańa túrin anyqtady.

13 qańtar: Dúnıejúzilik densaýlyq saqtaý uıymy Qytaıdan tys jerlerdegi alǵash tirkelgen Taılandtaǵy jaǵdaı týraly habarlady.

30 qańtar: Dúnıejúzilik densaýlyq saqtaý uıymy jahandyq tótenshe jaǵdaı bastaldy dep habarlaıdy. Qytaıda ólim sany 170-ke jetti.

2 aqpan: Fıllıppınde Ýhan azamatynyń vırýstan kóz jumǵanyn habarlaıdy.

7 aqpan: Koronavırýs týraly eskertpek bolǵan dáriger qaıtys bolady.

15 aqpan: Qytaılyq týrıst Fransııa aýmaǵynda aýrýdan kóz jumady, bul Eýropa aýmaǵynda tirkelgen birinshi ólim deregi.

11 aqpan: DDSU jahanǵa jaıylǵan vırýsqa Covid-19 ataýyn beredi.

19 aqpan: Taıaý Shyǵys aýmaǵynda vırýsqa shaldyqqan birinshi adam ólimi tirkeldi.

26 aqpan: Álem boıynsha qaıtys bolǵandar sany 2800-ge jetti. Jalpy dertke shaldyqqandar sany – 80 myńdaı. Sonymen qatar, Brazılııa Latyn Amerıkasyndaǵy alǵashqy jaǵdaıdy rastaıdy.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar