Aımaqtar • 27 Aqpan, 2020

Arystaǵy aǵaıyn Jetisý jurtyna alǵys aıtty

93 retkórsetildi

1 naýryz – Alǵys aıtý kúniniń qarsańynda «Egemen Qazaqstan» gazetiniń Taldyqorǵandaǵy tilshiler qosynyna Túrkistan oblysynyń Arys qalasynyń turǵyny Roza Ábdirahmanova habarlasyp, Almaty oblysyndaǵy aǵaıynǵa shyn júrekten shyqqan analyq aq tilegin aıtyp, jerlesteriniń atynan aqjarma alǵysyn jetkizdi.

- Men jaqynda Taldyqorǵanǵa arnaıy baryp, oblys ákimi Amandyq Batalovtyń esep berý jıynyna qatysqan edim. Jınalystan soń arnaıy sóz surap, syn saǵatta Arys halqynyń qıyndyǵyn bólisip, janymyzdan tabylǵan, qıraǵan úı-jaıymyzdy qalpyna keltirýge kómek bergen Jetisý  jurtyna, ákimshilik qyzmetkerlerge, qurylysshylarǵa rahmetimdi aıtym. Alǵys aıtý kúnine oraı jerlesterimniń atynan sizderdiń gazet arqyly taǵy da rızashylyǵymyzdy jetkizgimiz keledi, - deıdi Arys qalasynyń turǵyny Roza Ábdirahmanova.

О́tken jyly Arys qalasynda ornalasqan áskerı qarý-jaraq qoımasynda jarylys bolyp, beıbit turǵyndar zardap shekken-di. Kóptegen turǵyn úı qırap, myńdaǵan adam baspanasyz qaldy. Arys tragedııasynyń saldaryn joıýǵa tutas Qazaqstan jurty jumylyp, memleket tarapynan arnaıy shara qabyldanǵan edi. Qaladaǵy qıraǵan úılerdi jóndeýge elimizdiń barlyq aımaǵy kirisip, oblys ákimdikterdi ár aýmaq boıynsha jaýapty boldy. Qalypqa keltirý jumystaryna Almaty oblysy da bel sheshe kirisip, qurylysqa qarqyn qosty.

- Arys oqıǵasy Jetisý halqynyń da qabyrǵasyn qaıystyrdy. Turǵyndar zardap shekken adamdarǵa erikti túrde kómek kórsetýdi qolǵa alyp, azyq-túlik, kıim-keshek, qurylysqa qajetti zattar jınaýdy uıymdastyryp, aqshalaı da kómek berýge kiristi. Oblystan birnesh ret qaıyrymdylyq kerýeni jasaqtalyp, Arysqa jóneltildi. Munyń bári qazaq halqynyń qaıyrymdy, qıyndyqty birge jeńýge jumylatyn aýyzbirligin kórsetti. Al Memleke Basshysy Qasym-Jomart Toqaev Arys qalasyna arnaıy baryp, turǵyndarmen kezdesti. Osy joly zaqymdanǵan úı men ǵımarattardy tolyq jóndeýge tapsyrma berdi. Bul aýyrtpalyqty ár oblys kóteretin boldy. Qalany jekelegen sektorǵa bólip qalypqa keltirýdiń jolyn aıtty. Almaty oblysynyń úlesine 15- ýchaske tıdi. Biz qalypqa keltirý jumysyn jedel bastadyq. Sondaı-aq,  Arys mekteptertinde oqıtyn 150 balany Jetisýdyń tabıǵaty tamasha demalys oryndarynda tegin demalýǵa shaqyryp, jazǵy kanıkýldi qyzyqty ótkizýge kúsh saldyq, - dep eske alady bul týraly oblys ákimi Amandyq Batalov.

Byltyr Arys qalasyn qalpyna keltirýge Almaty oblysynyń bıýdjetinen 11 mıllıard 393 mıllıon teńge bólingen eken. Bul qarjynyń 1 065 700 myń teńgesi jumsalyp,  58 898 000 teńge aqsha únemdelipti. Budan bólek el Úkimetiniń qosalqy qorynan bólingen 1 mıllıard teńge qarjyny da oblystyń qurylys kompanııalary ıgerip, qalpyna keltirý jumystaryna jumsady. Jetisýlyq kompanııalar jóndeý jumystaryn tolyq aıaqtap, turǵyn úı men ǵımarattardy kórsetilgen merzimde paıdalanýǵa berdi. Iаǵnı, 802 jeke baspana tolyqtaı jańǵyrtylyp, 18 turǵyn úıdiń qurylysy der kezinde bitti.  

– О́tken jyly 24 maýsym kúni arystyqtardyń basyna aýyr qaıǵy tústi. Oryn alǵan tótenshe jaǵdaı halqymyzdyń qabyrǵasyn qaıystyrdy. Memleket basshysy Qasym-Jomart Toqaev arnaıy kelip, qazaqstandyqtardy Arysqa kómek qolyn sozyp, qalany qalpyna keltirýge shaqyrdy. Osydan keıin elimizdiń túkpir-túkpirinen Arysqa kómek aǵyldy. Arys qalasyn qalpyna keltirýdiń jospary jasalyp, qala 17 bólikke bólindi. Solardyń ishindegi turǵyn úıleri, áleýmettik, kommersııalyq nysandary kóp, adamy tyǵyz ornalasqan biz turǵan aýmaqty qalpyna keltirý mindeti Almaty oblysyna berildi. Jetisýlyqtarǵa dán rızamyz. Obyls ákiminń birinish orynbasary Lázzat Turlashev bastaǵan top jaz boıy Arysta, quyrlys basynda júrdi. Amandyq Batalovtyń ózi de birnesh kelip, jumysty kórdi. Biz kún sýyǵanǵa deıin baspanamyz jóndelse degen tilekpen júrdik. Rahmet, jetisýlyqta razama teken. Arada birneshe aı ótpeı qala qalpyna kelip, úılerimiz jóndelodi, keıbiri jańadan salyndy. 2020 jyldy sol jańa úıimizde qarsy aldyq. Jetisý jurtynan aınalaıyn, – deıdi Arys qalasynyń turǵyny Roza Ábdirahmanova.

Sońǵy jańalyqtar

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar