Qazaqstan • 27 Aqpan, 2020

Múmkindigi shekteýli jandar memleket baqylaýynda

30 retkórsetildi

Búgin Premer-mınıstrdiń orynbasary Eraly Toǵjanov  ulttyq quramanyń Japonııada ótetin Paraolımpıada oıyndaryna daıyndyǵy aıasynda Nur-Sultan qalasyndaǵy Paraolımpıadalyq  jattyǵý ortalyǵy qyzmetimen tanysty.

Paraolımpıadalyq jattyǵý ortalyǵynda  Qazaqstan qurama komandasynyń oqý-jattyǵý jıyndary, sheteldik komandalarmen birlesken jıyndar sonymen qatar túrli sporttyq básekeler ótedi.

Qazaqstan Respýblıkasynyń Paraolımpıadalyq qurama komandasynyń quramyna barlyǵy sportyń 13 túrinen 523 sportshy kiredi.

1

Esterińizge salaıyq, 2019 jyldyń mamyrynda ortalyqty aralaý barysynda Prezıdent Qasym-Jomart Toqaev Tokıoda ótetin Paraolımpıada  oıyndarynda tabysty óner kórsetýi úshin Qazaqstan quramasyna barlyq uıymdastyrý jáne qarjylyq qoldaý kórsetiletindigin aıtqan bolatyn.

Paraolımpıadalyq  jattyǵý ortalyǵy  2018 jyldyń 4 shildesinde Tuńǵysh Prezıdent Nursultan Nazarbaevtyń qatysýymen ashyldy.

Qazaqstanda ázirge teńdesi joq ortalyq jazǵy jáne qysqy  paraolımpıadalyq sport túrleri  boıynsha ulttyq qurama komandalar men sporttyq rezervtiń  sapaly ári kásibı jattyǵýyna arnalyp salynǵan.   Múmkindigi shekteýli jandarǵa arnalǵan mundaı ortalyq AQSh, Ulybrıtanııa, Japonııa jáne Ońtústik Koreıada ǵana bar.

Ortalyq barlyq qajetti qural-jabdyqtarmen jaraqtalǵan.

Premer-mınıstrdiń orynbasary Eraly Toǵjanovqa ortalyqty tanystyrǵan QR Ulttyq Paraolımpıadalyq komıtettiń tóraǵasy Qaırat Boranbaev elimizdegi paraolımpıalyq qozǵalys qyzmeti men múmkindigi shekteýli jandar arasyndaǵy buqaralyq sporttyń damýy týraly áńgimelep  berdi.

Onyń aıtýynsha, ortalyq qurylysy men jabdyqtaý  barysynda múmkindigi shekteýli jandardyń barlyq  qajettilikteri eskerilgen.

Paraolımpıadalyq jattyǵý ortalyǵynda  múgedek sportshylar sporttyń 14 túri boıynsha jattyǵa alady. Aı saıyn munda shamamen  múmkindigi shekteýli 6 myńǵa jýyq sportshy jattyǵady.

Ortalyqta beıimdelgen ámbebap sıfrlyq trenajerlar men toptyq jattyǵýlarǵa yńǵaıly aımaqtan turatyn jattyǵý, oıyn jáne kúreske arnalǵan úsh sporttyq zal jumys istep tur. Bir atap óterligi, ortalyqty jabdyqtaýǵa paraolımpıadashylardyń ózderi de at salysqan. Máselen, arbada otyryp bıleý boıynsha QR quramasynyń múshesi Ardaq Otarbaev osyndaǵy múgedekter arbasyn jýatyn orynnyń avtory.

Eraly Toǵjanov Paraolımpıadalyq jattyǵý ortalyǵynyń qazirgi zamanǵa saı ınfraqurylymy men materıaldyq-tehnıkalyq jabdyqtalýyna joǵary baǵa berdi.

Búgingi sapary barysynda Premer-mınıstrdiń orynbasary otandyq paraolımpıada sportynyń tarıhynda kórý qabileti tómen sportshylar arasynda tuńǵysh ret uıymdastyrylǵan golboldan Qazaqstan Respýblıkasy  Kýbogynyń ashylý saltanatyna qatysty.

Eraly Toǵjanov sportshylarǵa arnaǵan sózinde elimizde paraolımpıadalyq sportty damytýdyń mańyzdylyǵyn atap ótti.

«Múmkindigi shekteýli jandardy áleýmettik qorǵaý árdaıym el basshylyǵynyń baqylaýynda bolǵan jáne  bola bermek.  Memleket qazir múmkindigi shekteýli jandardyń ózin damytýǵa jáne tolyqqandy ómir súrýi úshin barlyq qajetti jaǵdaıdy jasap otyr. Paraolımpıadalyq jattyǵý ortalyǵynyń ashylýy osyǵan dálel. Sizderdiń árqaısylaryńyzda  jeńiske degen ynta-jiger jetkilikti. Biraq jeńis tuǵyrynyń joǵary bıigin baǵyndyrý úshin búginnen bastap ter tógý qajet.  Sizderge el úshin jaýapty syndarda joǵary jetistikter tileımin!», - dedi Premer-mınıstrdiń orynbasary.

Eki kúnge sozylatyn baıraqty básekege elimizdiń 5 óńirinen 40-tan asa golbolshy qatysyp jatyr.  

Golbol Paralımpıada oıyndarynyń baǵdarlamasyna engizilgen.  Sporttyń bul túri  Qazaqstanǵa  2017 jyly kelgen. Sodan beri 3 chempıonat uıymdastyryldy.

Bıylǵy báseke komandaǵa halyqaralyq arenaǵa shyǵýǵa jol ashady.

Sońǵy jańalyqtar

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar