Qazaqstan • 27 Aqpan, 2020

Qaraǵandydan 8 jańa áýe reısi iske qosylady

29 retkórsetildi

«FlyArystan» - qazaqstandyq alǵashqy loýkoster Qaraǵandydan segiz jańa áýe reısin iske qosady. Sáýir aıynan bastap Shymkent, Aqtaý, Atyraý, Semeı, Qyzylorda, Qostanaı, Aqtóbe jáne Reseıdiń Máskeý qalasyna ushýǵa bolady. Al jolaýshylardyń kóptegen ótinishteri boıynsha Qaraǵandy áýejaıyna jańa avtobýs júretin bolady.

20 sáýirden bastap dúısenbi jáne beısenbi kúnderi Qaraǵandy qalasynyń «Sary-Arqa» áýejaıynan ushaqtar Aqtaýǵa ushyrylatyn bolady. Bılettiń eń tómengi quny – 11 999 teńge. Sondaı-aq, 20 sáýirden bastap FlyArystan Qaraǵandy-Qostanaı-Qaraǵandy turaqty reısterin iske qosady. Bıletter baǵasy 8 999 teńgeden bastalady. Ushýlar aptasyna eki ret – dúısenbi jáne juma kúnderi oryndalady. Atyraýǵa alǵashqy reıs 21 sáýirge josparlanǵan. Ushýdyń bastapqy baǵasy-11 999 teńge. Ushaqtar aptasyna úsh ret – seısenbi, sársenbi jáne jeksenbi kúnderi ushady.
Budan bólek, 21 sáýir kúni FlyArystan borty alǵash ret Qaraǵandy qalasynan Shymkentke reıs jasaıdy. Ol qalaǵa seısenbi, beısenbi, juma jáne senbi kúnderi ushady. Bılettiń eń tómengi quny - 6 999 teńgeden. 22 sáýirden bastap «Saryarqa» áýejaıynan Qyzylordaǵa 6 999 teńgege jáne Aqtóbege 8 999 teńgege jetýge bolady. Qyzylordaǵa reıster sársenbi jáne jeksenbi kúnderi, Aqtóbege sársenbi jáne senbi kúnderi jasalady. Qaraǵandy-Semeı-Qaraǵandy alǵashqy reısi 23 sáýirge josparlanǵan. Bılettiń eń tómengi quny – 5 999 teńgeden. Ushý ýaqyty - dúısenbi jáne beısenbi. Qaraǵandydan Máskeýdiń Jýkovskıı áýejaıyna ushaqtar 16 mamyrdan bastap usha bastaıdy.
 
Bılettiń eń tómengi quny 19 999 teńgeden bastalady. Reıster seısenbi jáne senbi kúnderge josparlanǵan. Qaraǵandy oblysynyń ákimi Jeńis Qasymbek qazaqstandyq loýkosterdiń jańa avıamarshrýttarynyń tanystyrylymyna qatysty. «Meniń oıymsha, bizdiń óńir úshin jańa múmkindikter ashylýda. Bir jyl buryn Elbasynyń tapsyrmasy boıynsha FlyArystan kompanııasy qurylyp, búginniń ózinde loýkoster bazasynyń biri Qaraǵandyda ornalasatyny týraly habarlandy. Dál osy jerden Qazaqstannyń basqa qalalaryna da, Reseıge de ushýǵa bolady. Biz atqarýshy organ retinde oblysymyzda kompanııanyń jemisti jumys isteýine barynsha járdemdesetin bolamyz.
 
Atap aıtqanda, «Qazavtojol« kompanııasymen birlesip, qala turǵyndaryna áýejaıǵa deıin yńǵaıly jáne qysqa joldy qamtamasyz etý úshin aınalmaly joldaǵy kópirdiń qurylysyn aıaqtaımyz», - dedi ol. Qaraǵandy qalasynyń ákimi Nurlan Áýbákirovtiń málimdeýinshe, bıylǵy jyldyń sáýir aıynan bastap oblys ortalyǵynda «Saryarqa» áýejaıyna deıin avtobýstar qatynaıtyn bolady. Marshrýtta tórt aıaldama bolady: Vokzal, Gogol kóshesi boıyndaǵy Boýlıng, Ońtústik-Shyǵys avtostansııasy. Jol júrý quny - 200 teńge. Avtobýstardyń kestesi avıareısterge sáıkes keledi jáne jolaýshylar áýejaıǵa ushýdan 1,5-2 saǵat buryn kele alatyndaı etip jasalady. Avtobýstar táýlik boıy júredi. «Aldymen biz 49 orynǵa arnalǵan bir avtobýsty iske qosamyz. Eger marshrýt suranysqa ıe bolsa, biz taǵy da ekeýin iske qosýǵa daıynbyz. Olardyń barlyǵy jańa jáne jaıly. Avtobýstardy bizge №3 Avtopark usynady», - dep túsindirdi Nurlan Áýbákirov.
 
FlyArystan ishki reısterine bıletter eń tómengi baǵamen flyarystan.com saıtynda satylymda bar. Máskeýge deıin ushaqqa bıletter keıinirek paıda bolady. Bılet qunyna ushý jáne bes kılogramm qol júgin tasymaldaý kiredi.
Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar