Rýhanııat • 28 Aqpan, 2020

О́zara qurmet pen syılastyq meıramy

30 retkórsetildi

Qazaqstandyqtar bıyl 1 naýryz – Alǵys aıtý kúnin besinshi ret atap ótkeli otyr. Alǵys aıtý kúni – Elbasy Nursultan Nazarbaevtyń bastamasymen dástúrli merekege aınalǵan, elimizdi damytý jolynda ter tókken barsha qazaqstandyqtardyń bir-birine iltıpat bildiretin ataýly kún. Bul – ishki mazmuny qazaq halqy men elimizdegi túrli etnostardyń ortaq tarıhyna qurmet kórsetýge úndeıtin mereke.

Osynaý mereke qarsańynda Elbasynyń 2016 jyly 1 naýryzda elordada Alǵys aıtý kúnin atap ótýge arnalǵan alǵashqy saltanatty jıynda: «Alǵys aıtý kúni – endi ulttyq kúntizbedegi Eńbek kúni, Otbasy kúni sııaqty ózge de merekelerdiń qataryndaǵy jańa data. Men bul mereke qazirgi ýaqytta asa qajet bizdiń qoǵamdaǵy senimdi, kelisim men dostyqty burynǵydan da nyǵaıta túsetinine senimdimin», degen sózi eske túsedi. Iá, rasynda bul mereke qysqa ǵana ýaqyttyń ishinde barsha qazaqstandyqtardyń qoldaýyna ıe bolyp, rýhanı ómirimizden laıyqty ornyn tapty. Sondaı-aq onyń «Məńgilik el» ıdeıasy jáne qoǵamdyq kelisimdi damytý mindetterimen tolyq úılesetini kóńilge jylylyq uıalatady.

Negizinde, Alǵys aıtý kúniniń máni Qazaqstanǵa kúshtep qonys aýdarylǵan túrli etnostar ókilderine meımandos qazaq halqyna alǵystaryn bildirýge memlekettik turǵyda múmkindik berilýimen tikeleı qatysty. Bul óz kezeginde el birligine uıytqy bolar ishki úndestiktiń ornyǵýyna yqpalyn tıgizetini sózsiz. Sondaı-aq memlekettik syndarly saıasattyń mazmunyn asha túsetin Alǵys aıtý kúni qaıyrymdylyq isterge, ózara kómekke nazar aýdarý kúni retinde de qarastyrylady. Buǵan qosa, osy merekede qoǵamdyq kelisim men jarasymdylyqtyń mańyzdylyǵy da aıshyqtala túsedi.

Alǵys aıtý kúnin atap ótý barysynda qazaqtyń keńpeıildiligi, meıi­rimdiligi barshanyń jadynda qaıta jańǵyryp, ultymyzdyń adamı qundylyqtary aıqyn kórinedi. Ásirese, bul merekede elimizdegi túrli etnos ókilderiniń sanasynda qazaq halqynyń ózderine kórsetken qamqorlyǵy áserli jańǵyrady.

Qoryta aıtqanda, bul – el yntymaǵyn nyǵaıtyp, memleket múddesin bir arnada toǵystyratyn jańa sıpatty mereke.

(Alǵys aıtý kúnine arnalǵan arnaıy materıaldardy 3-betten oqısyzdar).

Sońǵy jańalyqtar

Uqsas jańalyqtar