Saıasat • 28 Aqpan, 2020

Azamattyq qoǵamnyń aıtary bar

30 retkórsetildi

Elordada Aqparat jáne qoǵamdyq damý mınıstrligi Azamattyq bas­tamalardy qoldaý ortalyǵymen birlesip, dúnıejúzilik úkimettik emes uıymdar kúnine arnalǵan is-shara ótkizdi.

Oǵan Aqparat jáne qoǵamdyq damý vıse-mınıstri Ǵabıdolla Ospanqulov, Senat depýtaty, Áleý­mettik, mádenı damý jáne ǵylym komıtetiniń múshesi Aı­gúl Qap­barova, Nur-Sultan qa­la­sy Azamat­tyq bastamalar or­talyǵynyń basshysy Mahab­bat Espenova, «Baıtaq bo­lashaq» ekologııalyq alıansy» respýblıkalyq qoǵamdyq birles­tiginiń jetekshisi, Ulttyq qoǵam­dyq senim keńesiniń múshesi Azamat­han Ámirtaev, úkimettik emes uıym­dardyń basshylary men músheleri, BAQ ókilderi qatysty.

– 2014 jyly 27 aqpan – Dú­nıejúzilik úkimettik emes uıym­dar kúni bolyp belgilendi. Bul uıymnyń múshelerin paıda kózin tabýdy emes, memlekettiń, qoǵamnyń, ár adamnyń múddesi úshin óziniń bar kúsh-jigerin salatyn azamattar dep esepteımiz. Úkimettik emes uıymdarǵa adamdar ártúrli jaǵdaımen keledi. Biri – ózi zardap shegip kelse, endi biri týǵan-týystary, dostary zardap shegip kelip jatady. Úshinshileri óziniń azamattyq pozısııasyn tanytady. Sondyqtan úkimettik emes uıym – ortaq múddeni kózdeıtin, el damýyna serpin beretin qozǵaýshy kúsh deýge bolady. Endeshe, memlekettiń paryzy – osyndaı uıymdarǵa árqashan qoldaý kórsetý, – dedi Ǵ.Ospanqulov.

 Onyń aıtýynsha búginde el aýmaǵynda 22 myńǵa jýyq úkimettik emes uıym tirkelgen. Solardyń belsendi degeni 14 myńǵa jetip otyr. Bul uıymdardyń jumysyn jandandyryp, is-sharalardy ótkizýge qoldaý bildirý maqsatynda 20 mlrd teńgeden astam qarajat bólinedi. Sonyń 3 mlrd teńgesi granttyq qarjylandyrý bol­sa, qalǵan 17 mlrd teńge memle­ket­tik-áleýmettik tapsy­rys­qa negizdelgen. Sondaı-aq azamattyq qoǵamdy damytýdyń 2025 jylǵa deıingi tujy­rym­damasy ázirlenýde.

– Kez kelgen memlekettiń damýynyń alǵysharty – azamat­tyq qoǵamdy damytý. Bul baǵyt­ta úkimettik emes uıymdar aýqymdy jumys atqaryp jatyr. Sebebi azamattyq qoǵamdy damy­tý barysy óte uzaq júretin prosess. Azamattyq qoǵamy damy­ǵan el retinde AQSh-ty jıi til­ge tıek etemiz. Oǵan qol jetkizý úshin AQSh-qa 240 jyl kerek bol­dy. Sondyqtan bul óte baıaý jú­retin prosess der edim. Biraq soǵan qaramastan, elimizde azamat­tyq qoǵamdy damytýǵa degen qa­dam oń baǵytqa ıe, – dedi A.Qap­barova.

Osy kúnge oraı Azamattyq bastamalardy qoldaý ortalyǵy úkimettik emes uıymdar men memlekettik organdar arasynda áriptestik ornatý, olardy qoldaý maqsatynda keıingi eki jyl muǵdarynda josparly túrde is-shara ótkizip keledi.

– О́zime tanys, ózime jaqyn azamattardy, jańa tulǵalardy kórip, qýanyp otyrmyn. Iаǵnı, úkimettik emes uıymdardyń aýqymy keńeıip, qyzmetimiz suranysqa ıe bolyp keledi deýge bolady. Búginde memleket tarapynan úkimettik emes uıym­dardy damytýǵa qatysty aýqym­dy qoldaý kórsetilip jatyr. Qoldaý sharalary jyl sa­nap arta túsedi degen senimde­min. Eńbegimiz elenip, atqarǵan ju­my­symyz baǵalansa – sonyń ózi úl­ken baqyt. Barsha áriptesterime jemisti eńbek tileımin, – dedi M.Es­penova.

 Is-sharanyń saltanatty ashy­lýy «Kásibı jáne tıimdi fandraızıng», «Qajettilikterdi baǵalaý áleýmettik marketıngtiń bir bóligi», «BAQ-ty jyljytý» syn­dy taqyryptar boıynsha she­berlik synyptarǵa, áleýmet­tik kásipkerlikke qatys­ty semınarlarǵa ulasyp, qaty­sý­shylar ózderin tolǵandyrǵan saýaldaryn joldaı aldy.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar