Qoǵam • 28 Aqpan, 2020

Elordalyq oqýshylar tegin júredi

10 retkórsetildi

Elordada kámeletke tolmaǵan balalar qoǵamdyq kólikpen tegin júredi. Bul týraly keshe «Astana LRT» uıymdastyrǵan kórme-konferensııada aıtyldy. Jıynda bas qalanyń kólik kompanııasy ótken jyldy qorytyndylap, aldaǵy josparlarymen bólisti.

«Astana LRT» kompanııasynyń basqarma tór­aǵasy Bekmyrza Igenberdınov naýryzdan bas­tap kámeletke tolmaǵan barlyq balalar elordada qoǵamdyq kólikte tegin júretinin habarlady.

Sonymen qatar kompanııa basshysy serik­testiktiń ataýyn ózgertip, rebrendıngtiń tıisti shara­laryn qabyldaý týraly sheshim qabyldaǵanyn aıtty. Kompanııa basshysynyń sózine qaraǵanda, bul sheshim halyqaralyq tájirıbege negizdelip jasal­dy. Mekeme ataýy onyń qyzmetin kórsetetindeı álemdik úrdisterge saı ońtaıly bolýy tıis. Endigi «Astana LRT» JShS-nyń jańa ataýy – City Transportation Systems. Qazaq tilindegi maǵynasy  qalalyq kólik júıeleri degendi bildiredi.

− Áý basta elordadaǵy halyqtyń sany 1 mıl­lıonǵa tek 2030 jyly jetedi dep boljanǵan edi. Alaıda qala turǵyndarynyń sany jyldam ósip keledi. Kompanııanyń jumysyn jandandyryp, rebrendıng júrgizip jatyrmyz. Aǵylshyn tilindegi ataý kezdeısoq tańdalǵan joq. Sebebi bizdiń kompanııa Halyqaralyq qoǵamdyq kólik odaǵynyń mú­shesi, – dedi B.Igenberdınov. Onyń aıtýynsha, ha­lyq kólik kartasyn qaıta satyp alýǵa mindetti emes.

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar