Aımaqtar • 28 Aqpan, 2020

Áskerı qyzmetshiler soǵys ardageriniń týǵan kúnine arnalǵan sherý ótkizdi

38 retkórsetildi

«Batys» óńirlik qolbasshylyǵynyń áskerı qyzmetshileri ekinshidúnıejúzilik soǵystyń ardagerleri, serjant Zakarııa Sultanov pen qatardaǵy jaýynger Valentına Konoplevalar úshin olardyń úıiniń aldynda shaǵyn sherý ótkizdi. Bul týraly «Batys» óńirlik qolbasshylyǵy baspasóz qyzmeti habarlady.

Áskerı qyzmetkerler saltanatty sherýmen soǵys ardagerlerin Jeńistiń 75 jyldyǵymen jáne osy kúni 97 jasqa tolǵan Valentına Konoplevany týǵan kúnimen quttyqtady.

80-ge jýyq áskerı qyzmetshi, «Jas Sarbaz» tálimgerleri men áskerı orkestr ókilderi ardagerleriń turǵylyqty úıine kelip, aýlasynda tórt jaıaý qorap bolyp maıdangerlerdiń aldynan «Slavıanmen qoshtasý» sherýiniń oryndalýymen saltanatty túrde adymdap ótti.

Ardagerlerdi quttyqtaýǵa «Batys» óńirlik qolbasshylyǵynyń ókilderi men qala turǵyndary jınaldy. Saltanatty sherýden keıin áskerı orkestr defıle kórsetse, «Merýert» bı toby «Katıýsha» jáne «Talıanochka» bılerin oryndady.

1

Áskerı qyzmetshiler aldaǵy ýaqytta basqa da ekinshidúnıejúzilik  soǵys ardagerlerine arnalǵan osyndaı is-sharalardy ótkizýdi josparlap otyrǵanyn atap ótti.

Sońǵy jańalyqtar

Uqsas jańalyqtar