Aqtóbe • 28 Aqpan, 2020

Alǵys – adamdar mereıin ósiredi

47 retkórsetildi

Djamalov Shahbaz Ilal-Ogly Ázerbaıjandar qaýymdastyǵy respýblıkalyq  Aqtóbe fılıalynyń tóraǵasy,eger maǵan ózge bireýlerdiń tarapynan: Álem boıynsha yntymaǵy men birligi jarasqan, kóptegen dıaspora ókilderi turatyn eldi ataı alasyz ba degen suraq qoıyla qalsa , men buǵan kóp oılanbastan: Iıa, ataı alamyn, bul Qazaq eli dep keýdemdi kótere turyp jaýap bergen bolar edim. Sondaı-aq ortaq otanymyz Qazaqstandy naǵyz baq pen Qydyr qonǵan el dep atasaq ta shyndyqtan alshaq ketpes edi dep oılaımyn.

Qazaq halqynyń baýyrmal bitim-bolmysy men keń-keýde jaratylysy arqasynda kezinde bul topyraqqa eriksiz aıdalǵan talaı jandar ajal aýzy men tyrnaǵynan aman qalǵanyn eshkim de joqqa shyǵara almaıdy. Buǵan tarıh kýá. Stalındyq qýǵyn-súrgin jyldary bastaryn taýǵa da, tasqa da soqqan ázerbaıjan ultynyń bir qaýym ókilderine qazaqstan qara aǵashtaı pana, báıterekteı saıa bola bildi. Keıinnen bul qasıetti de kıeli topyraq ázirbaıjandyq etnos ókilderiniń keıingi jáne búgingi urpaǵy úshin qutty mekenge aınaldy.

Sol úshin de biz Qazaqstandaǵy ázerbaıjandar qaýymdastyǵynyń ókilderi qazaq jeri men eline myń márte alǵysymyzdy aıtamyz. Tek munymen shektelmeı qazaq halqyna sheksiz qaryzdar ekenimizdi keıingi urpaǵymyzǵa da amanat etip qaldyrýdy basty paryzymyz dep bilemiz. Eger dál osy tusta jalpydan jalqyǵa kósher bolsaq, adamnyń adamǵa jasaǵan jaqsylyǵy men kómegi úshin alǵys sezim bildirýi tabıǵı zańdylyqtaı kórinedi. Tipti, olardyń belgili bir oryn alǵan jaǵdaıǵa baılanysty aıtarlyqtaı qodaý jasaýdyń múmkindigi men reti kelmegen kúnniń ózinde qýanyshy men qaıǵysyna ortaqtasyp shynaıy aq adal kóńilderin bildirýiniń ózi de shapaǵaty mol is bolmaq.

Bir sózben aıtqanda 1 naýryz alǵys aıtý kúni elimizdiń kúntizbesindegi erekshe kúnderdiń biri dep sanaımyn. Alǵys ony ıelengen adamnyń da, tutastaı el-jurttyń da nuryn tasyta alatyn qudyretti kúshtiń biri. Alǵys aıtý adam boıyndaǵy aınymas paryzdyń biri. Osy qaǵıdany ár kez jadymyzda ustaı bilsek er mereıi de, el mereıi de soǵurlym ústem bola bermek.

 

Aqtóbe oblysy

Sońǵy jańalyqtar

Uqsas jańalyqtar