Aımaqtar • 28 Aqpan, 2020

Mańǵystaýda dárigerler júkti áıeldiń júregine ashyq túrde kúrdeli ota jasady

67 retkórsetildi

Mańǵystaý oblystyq aýrýhanasynda júreginde aýyr aqaýy jáne júrekte paıda bolǵan revmatızm aýrýy bar júktiligi 37 aptadan asqan áıelge kúrdeli ota jasaldy. Mańǵystaý oblystyq aýrýhananyń dárigerleri júkti kelinshekti ýltradybyspen zertteý kezinde osyndaı dıagnoz qoıǵan bolatyn. Aq halatty abzal jandardyń aldynda ana men ómirge áli kelmegen sábıdi aman alyp qalý mindeti turdy, dep habarlady Mańǵystaý oblystyq Densaýlyq saqtaý basqarmasynyń baspasóz qyzmeti.

Mańǵystaý oblystyq aýrýhanasy júrek-qan tamyrlary hırýrgııasy bólimshesiniń kardıohırýrgi Albert Abulhasovtyń aıtýynsha, júkti kelinshektiń ókpesiniń isip ketýine baılanysty onyń demalýy qıyndaı túsken. Búıregi men baýyry aýyryp, jaǵdaıy dárigerlerdiń kóz aldynda nasharlaǵan. Dárigerler ózara aqyldasa kele kesar tiligin jasaý qajettigine toqtalǵan. Ota sátti jasalǵan soń ómirge deni saý er bala keldi. Al anasynyń qos jarmaly qaqpaqshasy tarylǵasyn protezdeý qajettigi týyndap, ashyq túrde júrekke ota jasaýǵa týra kelgen.

Bul rette shuǵyl áreket jasaǵan kardıohırýrgter, gınekologtar, sonymen qatar Aqtóbe qalasynan shaqyrtylǵan ýltradybysty zertteý dárigeri, kardıohırýrg, onyń kómekshisi jáne anestezıolog. Ota 5 saǵatqa sozylǵan, eń bastysy nátıje jaman emes.

-Aýrýhanada eki apta jatyp emdelgen soń, áıeldiń jaǵdaıy jaqsarǵan kúnnen bastap balasymen birge úıine jiberildi. Dárigerlerge jıi habarlasyp otyrady jáne óziniń densaýlyǵy týraly málimet berip, qajettilik týyndasa olardyń keńesine júginedi. Aıta ketý kerek, oblystyq perınataldyq ortalyǵynyń jáne bizdiń aýrýhananyń kardıohırýrgtarynyń biliktiliginin arqasynda osyndaı qıyn otany jasap shyqtyq. Sonymen qatar oblystyq densaýlyq saqtaý basqarmasy da qajetti qoldaýdy kórsetip otyr, deıdi Mańǵystaý oblystyq aýrýhanasynyń dırektory Bolatbek Qaıýpov.

 

Mańǵystaý oblysy

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar