О́ńirdiń kishkentaı turǵyndarynyń densaýlyǵyn qorǵaýda oblystyq kópbeıindi balalar aýrýhanasy stasıonarlyq kómek kórsetetin birden-bir aýrýhana bolyp tabylady. Sonaý 1978 jyly ashylyp, kazirgi tańda 205 kereýetten quralǵan, onyń ishinde jańadan týylǵan náresteler patologııasy, júıke-júıesi, pedıatrııa, hırýrgııa, travmatologııa-ortopedııa, otorınolarıngologııa, juqpaly aýrýlar jáne jan saqtaý bólimderi qyzmet kórsetedi.
Sonymen qatar 1 jasqa tolmaǵan sábıden bastap 18 jas aralyǵyndaǵy jasóspirim balalarǵa ártúrli deńgeıde kúrdeli otalar jasalynady. Jylyna aýrýhanaǵa 10 000-nyń ústinde balalar jatqyzylyp, túrli em-dom alady. Aqtaý men Jańaózen qalalary, sonymen qatar Beıneý, Qaraqııa, Túpqaraǵan, Mańǵystaý jáne Munaıly aýdandarynyń turǵyndaryna konsýltatıvtik-dıagnostıkalyq kómekter kórsetiledi. Shtat boıynsha aýrýhanada 49 dáriger, 150 orta medısına qyzmetkerleri jumys isteıdi. Osylardyń ishinde 15 dáriger joǵary sanatty, 5 birinshi, 5 ekinshi sanatty dárigerler bolyp tabylady. 2018-2019 jyldary aýrýhanaǵa 15 jas maman jumysqa qabyldanǵan.
-Bul apparattardyń qajettiligi óte mańyzdy. Máselen laporoskopııalyq tireýish degenimiz ınvazııalyq ota jasaýǵa, onyń ishinde balalardyń ishki qurylystaryna ota jasaý kezinde taptyrmas qurylǵy. Onyń ústine bul sońǵy úlgidegi model. Qazirgi tańda bizdiń mamandar osy apparatýralarmen jumysty bastap ketti. Ekinshi apparat «S-dýga Ares MR» bul travmatologııalyq aýrýlarǵa kórsetetin kómektiń deńgeıiniń joǵarylaýyna úlken septigin tıgizedi. Al úshinshisi «Hamilton G5», bul da sońǵy úlgide shyqqan. Qazirgi kezde bizde reanımasııalyq bólimshede jatqan naýqastarǵa aýadaı qajet. Jylyna 600-den astam naýqas balalar em alady, onyń 40 % 1 jasqa deıingi balalar, olardyń ishinde óte aýyr jaǵdaıda túsetinder az emes. Solarǵa kómek kórsetý deńgeıi joǵarylaı túsedi dep senemiz. Burynǵy apparattar bar, biraq olardyń deni eskirgen, dedi Mańǵystaý oblystyq kópbeıindi balalar aýrýhanasynyń dırektory Amanbek Jumyrov.
Demeýshilik kórsetý arqyly óńirdiń densaýlyq saqtaý salasynyń jaqsarýyna úlesin qosqan «Total E end P Dýnga GmbH» kompanııasynyń ókilderine Mańǵystaý oblystyq densaýlyq saqtaý basqarmasynyń basshysy Ánýar Saǵymbaev ta alǵysyn aıtty.
О́z kezeginde sóz alǵan «Total E end P Dýnga Gmbh» kompanııasynyń menedjeri Shon Larkom, yntymaqtastyq áli de jalǵasatynyna senim bildirdi.
-Mańǵystaý óńirine kómektesýge árdaıym daıynbyz, ásirese Aqtaý qalasyna. Sebebi biz munda jumys jasaımyz. «Dońǵa» kenorny boıynsha ózimizdiń ónimdi bólý jónindegi kelisimdi umytpaı ózimizdiń mindettemege úlken jaýapkershilikpen qaraımyz. 2002 jyldan beri jumysymyzdy jalǵastyryp kelemiz, sonymen qatar bizdiń kelisim 2039 jylǵa deıin uzartylǵanyna qýanyshtymyz. Meniń ózimniń kishkentaı balalarym bar jáne Aqtaý shaharynda ósip kele jatqan kishkentaı turǵyndardyń densaýlyǵy jaqsy bolsyn dep tileımin. Balalarǵa qoldaý bildirý úlken jaýapkershilik dep bilemiz jáne búgin syıǵa tartý etilgen apparatýralar rasynda da úlken paıdasyn tıgizetinine senimdimiz, - dedi ol.
Shara sońynda kompanııa ókilderi, densaýlyqtar saqtaý basqarmasy jáne oblys ákimdiginiń ókilderi estelik sýretke túsip, aradaǵy yntymaqtastyq áli de nyǵaıa túserine senim bildirip tarqasty.
