Aımaqtar • 28 Aqpan, 2020

Bilim jolynda kedergi bolmaýy kerek

30 retkórsetildi

Búgin Oral qalasynda Mahambet О́temisuly atyndaǵy Batys Qazaqstan memlekettik ýnıversıtetinde «Arnaıy jáne ınklıýzıvti bilim berý jaǵdaıynda múmkindigi shekteýli tulǵalardy áleýmettendirýdiń ózekti máseleleri» atty halyqaralyq ǵylymı-tájirıbelik semınar ótti.

Sharaǵa Polshadan professor Dorota Podgorska-Iаhnık, Reseı Federasııasynan Orynbor memlekettik pedagogıkalyq ýnıversıteti ǵalymdary jáne Almaty qalasynan pedagogıka ǵylymdarynyń doktory Jannat Sardarova onlaın rejımde qatysty.

Semınar múmkindigi shekteýli tulǵalardy áleýmettendirý, psıhologııalyq-pedagogıkalyq súıemeldeýdi uıymdastyrý máseleleri men keleshek josparlardy talqylaý maqsatyn kózdeıdi. Bul Qazaqstan jáne Reseı pedagogtary men defektologtaryna arnaıy jáne ınklıýzıvti bilim berý júıesindegi máselelerdi sheshýde kúsh-jiger biriktirip, tájirıbe almasýǵa múmkindik berdi. Pikirtalas sheńberinde Orynbor memlekettik pedagogıkalyq ýnıversıteti psıhologııa kafedrasynyń meńgerýshisi, psıhologııa ǵylymdarynyń kandıdaty, dosent Iý.A.Koroleva «Bilim – múmkindigi shekteýli tulǵalardy áleýmettendirý faktory» taqyryby aıasynda sóz qozǵady. Al Mahambet О́temisuly atyndaǵy Batys Qazaqstan memlekettik ýnıversıteti pedagogıkalyq fakýltetiniń dekany, pedagogıka ǵylymdarynyń kandıdaty, dosent Sh.Ǵabdrahmanova «Qazaqstan Respýblıkasynyń joǵary oqý oryndarynda ınklıýzıvti bilim berýdi damytýdyń ózekti máseleleri», Zerde buzylysy bar balalarǵa arnalǵan Batys Qazaqstan oblystyq arnaıy mektep-ınternat pedagog-psıhologi J. Murat «Arnaıy (túzetý) mektepte zııaty buzylǵan balalardy áleýmettendirý» taqyryptary aıasynda tájirıbelerimen bólisti.

1

-Halyqaralyq semınardy uıymastyrýshylardyń biri Sh.Ǵabdrahmanova ınklıýzıvti ortany joǵary oqý oryndarynda qalyptastyrýdyń joldaryn atap ótti. Inklıýzıvti mádenıet, kedergisiz orta qalyptastyrý baǵytynda Polsha, Reseı, Belorýssııa elderi ǵalymdarymen birlesken jumystar talqylandy. Sonymen qatar erekshe qajettilikteri bar bilim alýshylarǵa oqý baǵdarlamalaryn beıimdeýdiń tıimdi júıesin qurý týraly usynys aıtyldy. Semınar qorytyndysynda ınklıýzıvti bilim berýdiń ózekti máselelerin sheshý joldary qarastyrylyp, naqty usynystar engizildi, - deıdi ýnıversıtettiń baspasóz qyzmeti jetekshisi Rıta Sultanǵalıeva.

Bul usynystar hattamaǵa engizilip, joǵarydaǵy tıisti oryndarǵa jetkiziletin bolady.

 

Batys Qazaqstan

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar