Sport • 28 Aqpan, 2020

Aqtaýda otyryp oınaıtyn voleıboldan el birinshiligi ótýde

25 retkórsetildi

Aqtaýda tirek-qımyly zaqymdalǵan ardager sportshylar arasynda otyryp oınaıtyn voleıboldan Qazaqstan respýblıkasy Chempıonatynyń ashylý rásimi ótti. Bul týraly Mańǵystaý oblystyq dene shynyqtyrý jáne sport basqarmasynyń baspasóz qyzmeti habarlady.

Ardager sportshylar arasynda bul sport túrinen el birinshiligi kıeli Mańǵystaýda osymen úshinshi ret uıymdastyrylyp otyr. Jarysqa respýblıkamyzdyń ár aımaǵynan 8 komandadan quralǵan barlyǵy 80 sportshy baq synaspaq.

Sharanyń ashylýynda Mańǵystaý oblysy ákiminiń keńesshisi Trıfonov Vladıslav Vıacheslavovıch sportty janyna serik etken ardager sportshylarǵa sáttilik tiledi.

Sonymen qatar Qazaqstan Respýblıkasynyń sport sheberi, sport ardageri jáne respýblıkalyq, halyqaralyq týrnırlerdiń birneshe dúrkin jeńimpazy, mańǵystaýlyq Luqpanov Qarasaı Túleýuly óziniń sońǵy oıynyn kórsetip, ony jankúıerler sporttan qurmetti eńbek demalysyna shyǵaryp saldy.

Mańǵystaý oblysynyń dene shynyqtyrý jáne sport basqarmasy basshysynyń mindetin atqarýshy Q.Jumabaev Mańǵystaý oblysy ákimdiginiń atynan ardager sportshyǵa Alǵys hat tabystady.

Saltanatty sharada myń buralǵan bıshiler bı bılep, ásem án shyrqaldy. Dúbirli doda úsh kúnge sozylmaq.

 

 

Mańǵystaý oblysy

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar