Medısına • 28 Aqpan, 2020

Mańǵystaýda MÁMS júıesiniń alǵashqy aıy qorytyndylandy

20 retkórsetildi

Aqtaýda óńirlik kommýnıkasııalar ortalyǵynda ótken brıfıngte «Áleýmettik medısınalyq saqtandyrý qory» KEAQ Mańǵystaý oblysy fılıalynyń dırektory Rýslan Bektýbaev mindetti áleýmettik medısınalyq saqtandyrý júıesi jumysynyń birinshi aıynyń qorytyndylary týraly habarlady. Bul týraly atalǵan fılıaldyń baspasóz qyzmeti habarlady.

Barshaǵa málim, 2020 jyldyń 1 qańtarynan bastap mindetti áleýmettik medısınalyq saqtandyrý júıesi iske qosyldy.

Halyqpen baılanysty qamtamasyz etý maqsatynda 2019 jyldyń qyrkúıeginen bastap Qordyń 1406 nómiri boıynsha Biryńǵaı baılanys ortalyǵy jumys isteı bastady. 2020 jyldyń 1 qańtarynan bastap ol 24/7 tártibi boıynsha jumys isteýde.

Qazaqstandyqtar úshin Qor tarapynan keri baılanys kanalyn qurdy. Qazirgi tańda bul Qoldau-24/7 mobıldik qosymsha arqyly júzege asyrylýda. Osy mobıldik qosymshany júkteý arqyly ár azamat keńes alý, ótinish berý jáne saqtandyrylý múmkindigine ıe bolady.

1406 Call-sentr ortalyǵyna búgingi kúnge deıin oblys turǵyndarynan 26 ótinish kelip tústi. Qor fılıalynyń jumys telefonyna 60 ótinish kelip tústi. Olar medısınalyq kómektiń sapasyna, tegin dári-dármektiń durys berilmeýine, qymbat turatyn MRT, KT sııaqty qyzmet túrlerin alý máselelerine baılanysty.

2020 jyly, MÁMS júıesin engizgeli, oblystyń densaýlyq saqtaý salasynyń bıýdjeti ósip, 42 mlrd teńgeni qurap otyr.

 

Mańǵystaý oblysy

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar