Ońtústik Qazaqstan • 28 Aqpan, 2020

Túrkistan oblysynda sý tasqyny qaýpi joq

27 retkórsetildi

Túrkistan oblysy aýmaǵynda sý qoımalaryndaǵy jaǵdaı qalypty, turaqty baqylaýda, turǵyndarǵa keler qaýip joq, dedi Tótenshe jaǵdaılar departamentiniń bastyǵy Nurǵalı Júnisov.

Oblysta bolýy múmkin tótenshe jaǵdaılardyń aldyn alý is-sharalary der kezinde jáne sapaly oryndalýda. Sý qoımalary men ózenderge kúndelikti monıtorıng júrgizilýde. «Búgingi kúnge Shardara sý qoımasynda - 4185 mln m3 sý bar, tolýy - 80%, shyǵyp jatqan sý kólemi - 400,5 m3/sek. Al, Kóksaraı sý rettegishinde jınalǵan sý qory - 1061,88 mln m3 tolýy 35%-dy qurap otyr», - dedi Nurǵalı Syrlybaıuly óńirlik kommýnıkasııalar qyzmetinde ótken brıfıngte.

1

О́ńirde ornalasqan  40 sý qoımasynyń 18-i respýblıkalyq, 17-si qala, aýdandyq kommýnaldyq menshikte bolsa, 5-ýi jekemenshik ıeliginde. Iаǵnı qaraýsyz qalǵan sý qoımalary joq. «Oblys aýmaǵynda sý tasqyny jaǵdaıy Syrdarııa basseıindik ózenimen tikeleı baılanysty bolǵandyqtan qatań baqylaýǵa alynǵan. Syrdarııa ózeniniń tómengi aǵysyna 66 m3/sek sý jiberilýde. Jalpy oblys boıynsha sý qoımalarynyń ortasha tolýy 45-50%-dy quraıdy. Búgingi tańda ózenniń arnasynda sýdyń aǵysy qalypty, jaǵalaýdaǵy eldi mekenderge qaýip joq», dedi departament bastyǵy.

Syrdarııa ózeninen bastaý alatyn kanaldardyń bas tospasy bekitilgen. Qaptalǵan 53 tonna qum, 584 - shatyr, 4622 - kerýet, 36 myń adamǵa arnalǵan tósek - oryn daıyndalǵan. Sondaı-aq oblys aýmaǵyndaǵy 26,9 shaqyrym ózenderde jaǵa bekitý jáne arna túzeý jumystary júrgizilse, 29,9 shaqyrym qorǵanys dambasy turǵyzylypty. Aryq-atyzdardyń arnasy, kanaldar da tazartylǵan.

 

Túrkistan oblysy

Sońǵy jańalyqtar

Uqsas jańalyqtar