Álem • 28 Aqpan, 2020

Idlıbte 33 túrik jaýyngeri qaza tapty

116 retkórsetildi

Túrkııa Qarýly Kúshterine Asad rejımi áýe shabýylyn jasady. Bul týraly Anadoly agenttigi habarlady.

Idlıbtegi Bashar Asad rejımi kúshteriniń shabýylynan qaza tapqan Túrik qarýly kúshteriniń sany 33-ke jetti. Bul týraly Hataı provınsııasynyń gýbernatory Rahmı Dogan habarlady.

Onyń aıtýynsha, jaraqattanǵan jaýyngerlerdiń ómirine eshqandaı qaýip tónip turǵan joq.

«Qazirgi ýaqytta Asad kúshteriniń Idlıbke jasaǵan shabýylynda jaraqat alǵan Túrkııanyń Qarýly Kúshteriniń 36 sarbazy aýrýhanaǵa jatqyzyldy», - dedi gýbernator.

Túrkııa Prezıdentiniń keńsesindegi baılanys bóliminiń basshysy Fahrettın Altýn Idlıbtegi ereýilge jaýap retinde túrik sarbazdary - avıasııa da, qurlyq kúshteri de Sırııa rejıminiń barlyq belgili nysandaryna «oq jaýdyrdy» dedi. Shekaradaǵy jaǵdaıdy baqylaý úshin Túrkııanyń Qorǵanys mınıstri men joǵary laýazymdy ofıserleri ketti. El Prezıdenti Rejep Taııp Erdoǵan Qaýipsizdik keńesin ótkizdi.

Aıta ketý kerek, Idlıb - Sırııadaǵy oppozısııanyń baqylaýynda qalǵan jalǵyz aımaq. Onda Sırııanyń basqa aımaqtarynan kelgen 3,5 mıllıon bosqyn bar. Birikken Ulttar Uıymy Sırııanyń Idlıb qalasyna 26 kólik gýmanıtarlyq járdem jiberdi.

Sırııa

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar