Álem • 28 Aqpan, 2020

Koronavırýs: Qytaıdaǵy epıdemıologııalyq jaǵdaı jaqsaryp keledi

92 retkórsetildi

Qytaıda koronavırýstyń jańa túrin juqtyrǵandardyń 46 paıyzy emdelip, aýrýhanadan shyǵaryldy. Aqparatty QHR Densaýlyq saqtaý máseleleri jónindegi memlekettik komıtetiniń derekteri rastady. Bul týraly RIA Novostı habarlady

Qytaıdaǵy koronavırýsty juqtyrýdyń rastalǵan jaǵdaılarynyń sany 78 824 adamǵa jetti, onyń ishinde 36 117 adam emdelip, aýrýhanadan shyǵaryldy. 

Hýbeı provınsııasyn eseptemegende búkil Qytaı boıynsha indet bastalǵannan beri barlyǵy 12 910 juqtyrý oqıǵasy tirkeldi, onyń ishinde 106 ólimmen aıaqtalǵan, ólim-jitim 0,8% qurady.

Hýbeı provınsııasynyń ózinde indet oshaǵynda 65 914 juqtyrý oqıǵasy anyqtaldy, onyń 2682-i qaıtys boldy, ólim-jitim 4%-dy qurady.

Sońǵy táýlikte el boıynsha 327 jańa juqtyrý oqıǵasy anyqtaldy, bul rette Hýbeı provınsııasynan tys jerlerde tek toǵyz jaǵdaı tirkeldi. Alǵashqy ret táýligine shyǵarylǵan pasıentterdiń sany 3 myńnan asty. О́tken táýlikte 44 ólim oqıǵasy tirkeldi, onyń 41-i - Hýbeı provınsııasynda. 

Qytaı bıligi 2019 jyly 31 jeltoqsanda Dúnıejúzilik densaýlyq saqtaý uıymy Ýhan qalasynda (Hýbeı provınsııasy) belgisiz pnevmonııanyń órshýi týraly habardar etti. Mamandar aýrýdyń qozdyrǵyshtaryn anyqtady - bul jańa koronavırýs.

Dúnıejúzilik densaýlyq saqtaý uıymy halyqaralyq mańyzy bar tótenshe jaǵdaı dep tanyp, aýrýǵa resmı ataý berdi – COVID-19.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar