Úkimet • 28 Aqpan, 2020

Premer-Mınıstr A. Mamın «Samruk Business Forum» sharasyna qatysty

15 retkórsetildi

Premer-Mınıstr Asqar Mamın otandyq taýar óndirýshilerdi qoldaý taqyrybyna arnalǵan «Samruk Business Forum» plenarlyq sessııasyna qatysty. Bul týraly Premer-Mınıstrdiń baspasóz qyzmeti habarlady.

«Qazaqstannyń Tuńǵysh Prezıdenti – Elbasy Nursultan Ábishuly Nazarbaev ishki naryqty otandyq taýar óndirýshilerdiń ónimderimen qamtamasyz etýge jáne «qarapaıym zattar ekonomıkasyn» damytýǵa erekshe kóńil bóledi. Memleket basshysy Qasym-Jomart Kemeluly Toqaev Úkimet aldyna otandyq taýar óndirýshilerdi qoldaý men damytý jóninde birqatar naqty mindet qoıdy», — dedi A. Mamın.  

Úkimet basshysy jyl saıyn satyp alý kólemi 4 trln teńgeden asatynyn jáne bul kólemdi ishki óndiristi damytý múddesinde tıimdi paıdalaný óte mańyzdy ekenin atap ótti.

«Samuryq-Qazyna» qory shaǵyn jáne orta bıznesti damytý úshin joǵary áleýetke ıe. Qordyń árbir derlik enshiles kompanııasy «zákirli», al keıde óz óńiri úshin qala quraýshy kásiporyn bolyp tabylady», — dedi A. Mamın. 

Otandyq óndiris pen ımportty almastyrýdy damytýdyń tıimdi draıveri retinde offteık-kelisimsharttar men uzaqmerzimdi sharttar tetigi qurylyp, sátti jumys istep tur. Qazirgi ýaqytta ınvestısııalar kólemi 215 mlrd teńgeden asatyn, jańa óndiristerdi qurý boıynsha 27 offteık-kelisimshart maquldandy, shamamen 2 myń jumys orny qurylatyn bolady. Úkimet Ulttyq bankpen birlesip, ekinshi deńgeıli bankterdiń osyndaı sharttardy turaqty kepil retinde tanýy boıynsha jumys júrgizýde, bul atalǵan jobalardy qarjylandyrýǵa qoljetimdilikti jeńildetedi.

«Samuryq-Qazyna» qory 1350-den astam taýarlyq pozısııa boıynsha pýldy anyqtady, ol ımportty almastyrýǵa qatysty bıznestiń bastamalarynyń «jańa tolqynyna» aınalýy tıis. Búgingi kúnniń ózinde jumys istep turǵan 180 kásiporyn ınvestısııalyq jobalardy ázirlep, iske asyrýǵa zor qyzyǵýshylyq tanytty», — dedi A. Mamın.

Premer-Mınıstr jobalardy, sondaı-aq bıznestiń jańa jumys oryndaryn ashý, jergiliktendirýdi arttyrý jáne sapaly ónim shyǵarý túrindegi qarsy mindettemelerdi qabyldaýǵa ázirligin jan-jaqty pysyqtaý qajettigin atap ótti. 

A. Mamın Qordyń júıe quraýshy kompanııalarynyń satyp alýlary aıasynda «Samuryq-Qazyna»-nyń monoqalalardy damytý boıynsha jumystardy bastaǵanyn atap ótti.

«Mysaly, tek Jańaózen qalasy boıynsha bul bastama aıasynda 230 mlrd teńge somasyna satyp alýlardy ótkizý josparlanǵan. Bul óńirdiń ekonomıkalyq damýy úshin qosymsha serpin beredi», — dedi Úkimet basshysy.

A. Mamın «Samuryq-Qazyna» qorynyń «qarapaıym zattar ekonomıkasyn» iske asyrýǵa belsene qatysatynyn atap ótti. Bul rette qurylys-montaj jumystaryn satyp alý kezinde otandyq qurylys materıaldary men jabdyqtaryn paıdalanýdyń mańyzdylyǵyn aıtty.

«Samuryq-Qazyna»-nyń sátti tájirıbesi retteletin barlyq satyp alýlarda, onyń ishinde memlekettik organdardyń, kvazımemlekettik kompanııalar men jer qoınaýyn paıdalanýshylardyń satyp alýlarynda mysal retinde taralýy tıis. Olardyń jıyntyq kólemi asa aýqymdy jáne 15 trln teńge kóleminde baǵalanady», — dedi A. Mamın. 

Premer-Mınıstr sıfrlyq tehnologııalar, mashına jasaý, hımııa, jıhaz, toqyma, aıaq kıim, ónerkásip, elektr energetıkasy men munaı-gaz jabdyqtary salalaryndaǵy otandyq taýar óndirýshilerdiń ónimderi kórmesimen, sondaı-aq ımoport almastyrýdy odan ári damytý áleýetimen tanysty. 

Sharaǵa 900-ge jýyq adam — «Samuryq-Qazyna» basqarma tóraǵasy A. Esimov, «Atameken» UKP basqarma tóraǵasy A. Myrzahmetov, ulttyq kompanııalar basshylary men qazaqstandyq bıznes ókilderi qatysty.

Forým aıasynda «Samuryq-Qazyna» qory, onyń enshiles kompanııalary men otandyq taýar óndirýshiler arasynda jalpy somasy 35 mlrd teńgege jýyq bolatyn offteık-kelisimsharttary jasaldy, sondaı-aq «Úzdik servıstik kompanııa», «Senimdi jetkizýshi» jáne t. b. atalymdar boıynsha jetekshi otandyq kompanııalardy marapattaý saltanaty ótti. 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar