Elorda • 28 Aqpan, 2020

Elordada Nur Otan partııasynyń qurylǵanyna 21 jyl tolýyna oraı is-shara ótti

9 retkórsetildi

Partııanyń qalalyq fılıalynyń tóraǵasy Altaı Kólginov partııa kúnimen quttyqtap, belsendi partııa múshelerine alǵys hattar men partııa bıletterin tabys etti. Bul týraly Nur-Sultan qalasy ákimdiginiń baspasóz qyzmeti habarlady.


«Partııa damýynyń úshinshi onjyldyǵynyń basy jańa realııalar men ýaqyttyń syn-qaterin eskere otyryp, partııany jańartýmen erekshelendi. Elbasy atap ótkendeı, Nur Otan jetekshi saıası kúsh retinde qoǵamdy jumyldyrýy tıis. Indýstrııalyq, ınfraqurylymdyq baǵdarlamalar, aýyl sharýashylyǵy, medısına, halyqty aǵartý jumystary - partııanyń basym baǵyttary bolyp tabylady. Elordamyz ósip keledi. Osyǵan oraı turǵyn úıler men áleýmettik nysandar salynyp jatyr. Kásipkerlerge jan-jaqty qoldaý kórsetilip jatyr.

Qalamyzdyń jetistikteri partııa músheleriniń kúndelikti atqaryp jatqan jumysymen tyǵyz baılanysty. Olar halyqpen keri baılanysty nyǵaıtyp, turǵyndar kótergen máselelerdi sheshýge etene aralasyp otyr. Partııa músheleri Memleket Basshysy – Qasym-Jomart Kemeluly Toqaevtyń «halyq únine qulaq asatyn memleket" tujyrymdamasyn júzege asyrý jolynda eńbektenip jatyr» dedi Nur Otan partııasy qalalyq fılıalynyń tóraǵasy Altaı Kólginov.

Elorda ákimi Altaı Kólginov turǵyndar partııanyń naqty máselelerdi sheshýde qalaı jumys jasap jatqandyǵyn kórýi tıis ekenin atap ótti. Atqarylyp jatqan jumystar páter ıeleri kooperatıvteriniń máselelerin sheshýge, abattandyrýǵa, áleýmettik nysandar salýǵa, ınfraqurylym sııaqty naqty baǵyttardy ilgeriletýge baǵyttalýy tıis.

Kezdesýde «Ortalyq temirjol aýrýhanasynyń» JShS dırektorynyń meıirbıke isi jónindegi orynbasary Raýshan Abdrahmanova osy ýaqytqa deıin ortalyq temirjol aýrýhanasynyń eski ǵımaratynda jumys jasaǵanyn aıtty. Bul aýrýhanada 60 jyl ishinde birde-bir kúrdeli jóndeý jumystary jasalmaǵan.

«Bloktarda jóndeý jumystary júrgizilip, jańa korpýsqa kóshtik. Dárigerler men pasıentter rıza. Endi palatalardyń jaǵdaıyna eshkim shaǵymdanbaıdy, aýdan turǵyndary da qýanyp jatyr» dedi ol.

Partııanyń qalalyq fılıaly júıeli negizde qoǵamdyq qorlarmen, medısınalyq jáne bilim berý mekemelerimen, ulttyq ortalyqtarmen birlese jumys jasaıdy. 300 mln.teńgeden astam qarajatqa áleýmettik kómek kórsetý boıynsha 70 is-shara ótkizildi. О́tken jyly shamamen 8 myń adam fılıaldyń qoǵamdyq qabyldaýyna júgindi. Bul rette 60% - dan astam suraqtar sheshimin tapty. Qalǵandary jumysqa alyndy. Memleket basshysynyń «Qutty meken», «Halyqqa kómek», «Baqytty otbasy» atty ulttyq jobalary júzege asyrylyp jatyr.


Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar