Qoǵam • 28 Aqpan, 2020

Oralda koronavırýs bar ma?

590 retkórsetildi

Batys Qazaqstan oblysyndaǵy taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaev óńirde koronavırýs ınfeksııasynyń aldyn alý sharalary boıynsha brıfıng ótkizdi.

Birer kún buryn jelide «Qarashyǵanaqqa Italııadan charterlik reıspen kelgen ıtalııandyq jumysshylar eshqandaı karantındik sharalarsyz qazaqstandyqtarmen aralasyp júr» degen qaýeset taraǵan edi. Nurlybek Mustaev muny joqqa shyǵardy.

- Jaqynda Qazaqstan Respýblıkasy Bas sanıtarlyq dárigeriniń koronavırýsqa qarsy profılaktıkalyq sharalardy kúsheıtýge baǵyttalǵan qaýlysy shyqty. Osy qaýlyǵa sáıkes, shet elderden kelip jatqan azamattar úsh topqa bólip qarastyrylady. Birinshi topqa sońǵy 14 kún ishinde Qytaı jerinde bolǵan azamattar mindetti túrde 14 kúndik stasıonarǵa karantınge jatqyzylady. Qosymsha taǵy 10 kún dáriger qadaǵalaýynda bolady. Osy birinshi topqa qaýipti vırýs keń tarap otyrǵan Taıvan, Gankong, Makao, Japonııa, Ońtústik Koreıa, Iran, Italııa memleketteri de kiredi. Bul elderden kelgen azamattar kelgen jerinde, túsken ornynda 14 kún oqshaýlanýy, dárigerdiń baqylaýynda bolýy tıis. Eki apta ýaqyttan soń taǵy on kún boıy telefon arqyly arnaıy maman kún saıyn habarlasyp, jaǵdaıyn tekserip turady. Ekinshi toptaǵy memleketten kelgen azamattar kelgen jerinde eki apta dáriger baqylaýynda bolyp, taǵy 10 kún telefon arqyly tekseriledi. Al úshinshi topqa jatatyn jolaýshylar 24 kún boıy telefon arqyly tekseriledi, - dedi elimizdiń bas sanıtar dárigeriniń qaýlysyn túsindirgen Nurlybek Mustaev.

Dál búgin oblys aýmaǵynda №1 kategorııa boıynsha baqylaýda turǵan eshkim joq. №2 topta – 1  adam, №2 top boıynsha – №3 top adam dárigerlerdiń jiti baqylaýynda tur eken. Aýrý taralý qaýpi bar jolaýshylardy tekserý Oral qalalyq áýejaıynda júzege asady. Munda halyqaralyq «Fraknfýrt-Oral-Nur-Sultan» áýe reısiniń jáne «Máskeý-Oral» baǵytynyń jolaýshylaryn mamandar arnaıy qyzý ólshegish quralmen tekseredi. Al jerdegi shekara arqyly keletin adamdar kedendik tekserý kezinde tólqujatyndaǵy belgiler boıynsha vırýsqaýipti memlekette bolǵan-bolmaǵany anyqtalyp, tıisti oryndarǵa habarlanady. 

- Aqpan aıynyń basynan beri Qytaı Halyq Respýblıkasy aýmaǵynan bizdiń oblysymyzǵa 132 adam keldi, olar tıisti baqylaýǵa alynyp, karantındik sharttardy saqtady. Olardyń eshqaısysynan qaýipti aýrý belgisi tabylmady, - dedi Nurlybek Mustaev. Onyń aıtýynsha, dál búgin baqylaýda turǵan adamdar arasynda Malaızııa, Germanııa, Taıland, Italııa, AQSh jáne Ulybrıtanııa azamattary bar.

 

Batys Qazaqstan

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar