Bul týraly BAQ ókilderimen bolǵan jıynda oblystyq polısııa departamenti bastyǵynyń orynbasary Eldar Ábdikenov málim etti.
- Oqıǵa 25 aqpan kúni, túngi saǵat 23:30-da oryn alǵan, - dedi Eldar Ábdikenov. – 26 aqpan kúni tańerteń aýdandyq polısııanyń kezekshi bólimine azamatsha aryz túsirdi. Bir táýlik ishinde polısııa qyzmetkerleri kúdiktini kórshi aýyldan qolǵa túsirgen.
Qazir qyz zorlaý faktisine sáıkes Qylmystyq kodekstiń 120 jáne 121-baptary boıynsha sotqa deıingi tergeý júrgizilýde.
Birqatar saraptamalar taǵaıyndaldy. Jaǵdaı departament basshysynyń tolyq baqylaýynda. Maıqaraǵaı aýylynyń 30 jastaǵy turǵyny óz kinásin moıyndap otyr. Kýágerler de bar.
Eldar Ábdikenov er adam men jábirlenýshi qyzdyń tanys bolmaǵanyn aıtty. Sonymen qatar, kúdiktige qatysty osy ýaqytqa deıin de basqa da sot isteri qozǵalǵan.
-Kúdikti adamǵa qatysty 2010 jyly seksýaldyq sıpattaǵy zorlyq-zombylyq áreketterin jasaǵany týraly shaǵym túsken. Alaıda, aryz jazylmaǵandyqtan sot isi qozǵamaǵan.
Al, 2017 jáne 2018 jyldary mal urlyǵyna baılanysty jaýapqa tartylyp, qylmystyq ister sotqa jiberilgen. Keıin eki taraptyń ózara kelisimge kelýine baılanysty bul ister toqtatylǵan, - dedi polısııa departamenti bastyǵynyń orynbasary.
Buǵan deıin zorlaý isi týraly «Ne molchı» qoǵamdyq qorynyń kóshbasshysy Dına Smaılova óziniń Facebook paraqshasynda jazǵan-dy.
Pavlodar oblysy,
Aqqýly aýdany
