Ońtústik Qazaqstan • 28 Aqpan, 2020

Shymkentte Alǵys aıtý kúni atalyp ótti

142 retkórsetildi

2016 jyly 14 qańtarda Elbasy N.Á.Nazarbaev Qazaqstan halqy Assambleıasynyń qurylǵan kúni 1 naýryzdy elimizde Alǵys aıtý kúni dep jarııalaǵan bolatyn. Sodan beri elimizde bul kún aıtýly meıram bolyp atalyp ótýde. Kóktemniń alǵashqy kúnimen tuspa-tus keletin merekede elimizdegi ózge etnos ókilderi qıyn kezeńde qushaq jaıa qarsy alǵan keńpeıil de qonaqjaı qazaq halqyna alǵys aıtady.

Búgin Shymkent qalasyndaǵy Qazaqstan halqy Assambleıasy ǵımaratynda Alǵys aıtý kúnine arnalǵan merekelik is-shara  ótti. Is-sharaǵa qala ákimi Murat Áıtenov, máslıhat depýtattary, zııaly qaýym ókilderi, joǵary oqý oryndarynyń rektorlary men muǵalimderi, etnomádenı birlestikteriniń músheleri, Assambleıa janyndaǵy qoǵamdyq qurylymdardyń ókilderi jáne qala turǵyndary qatysty.
 
Merekelik is-shara aldymen «Qazaq eline myń alǵys!» monýmentine gúl shoqtaryn qoıýmen bastaý alyp, qalalyq etno-mádenı birlestik ókilderiniń qolóner buıymdary men qalalyq kásipkerler óndiretin taýarlardyń kórmesimen jalǵasty.
 
Sonymen qatar keńestik kezeńde Qazaqstanǵa jer aýdarylǵan etnostardyń ótkeni men búgini týraly qysqasha beınefılm kórsetilip, «Qazaq eline myń alǵys!» taqyrybynda teatrlandyrylǵan horeografııalyq qoıylym usynyldy.
 
Jıynda sóz alǵan qala ákimi táýelsizdiktiń tolaǵaı tabystaryna elimizdi mekendegen túrli etnos ókilderiniń de zor úlesi bar ekenin jetkizdi.
 
«Bıyl Shymkent qalasy TMD elderiniń mádenı astanasy bolyp belgilendi. Biz qalamyz ben onyń turǵyndaryna berilgen osy múmkindikti paıdalanyp, mádenı tanym-túsinigimizdiń bıik úlgisin barshaǵa kórsetýimiz kerek», dedi Murat Dúısenbekuly.
 
Jıyn sońynda qalamyzdyń óner maıtalmandary konserttik baǵdarlama usynyp, patrıottyq ándermen aıaqtaldy.
Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar