Qazaqstan • 28 Aqpan, 2020

Qazaqstanda alǵash ret korporatıvtik áleýmettik kelisimge qol qoıyldy

50 retkórsetildi

Búgin Nur-Sultan qalasyndaǵy Kásipodaqtar úıinde elimizdiń Kásipodaqtar federasııasy men «Qarashyǵanaq  Petrolıým Opereıtıng B.V» (QPO) Konsorsıýmy arasynda yntymaqtastyq jáne ózara árekettestik týraly korporatıvtik-áleýmettik kelisim bekitildi.

Federasııanyń baspasóz qyzmeti habarlaǵandaı, qujatqa  KF tóraǵasynyń mindetin atqarýshy Satybaldy Dáýletalın men «Qarashyǵanaq Petrolıým Opereıtıng B.V»  konsorsıýmynyń bas dırektory Edvın Blom qol qoıǵan.

QR Kásipodaqtar Federasııasynyń basshysy atap ótkendeı, bul - táýelsiz Qazaqstan tarıhyndaǵy tuńǵysh korporatıvtik-áleýmettik kelisim. Qujat iri kompanııa men respýblıkalyq kásipodaq birlestigi arasyndaǵy áleýmettik áriptestikti damytýdaǵy negizgi qujat bolmaq.

«Biz korporatıvtik áleýmettik jaýapkershilikti jumysshylardyń eńbek quqyǵyn qorǵaýdyń taǵy bir quraly dep esepteımiz. Búgin qol qoıylǵan kelisim elimizdegi áleýmettik-eńbek qatynastaryn damytýda aıyryqsha mańyzǵa ıe jáne biz bıznestiń korporatıvtik áleýmettik jaýapkershilik qaǵıdattaryn júzege asyrýǵa degen talpynystaryn árqashan qoldaımyz. Bul kelisim áleýmettik-eńbek salasyndaǵy qarym-qatynastardy nyǵaıtýda, salalyq kelisimder men ujymdyq sharttardy damytýda jańa múmkindik bolmaq» dep atap ótti Satybaldy Dáýletalın. 

Sonymen qatar ol osy kelisimge qol qoıýǵa bastamashy bolǵan QRKF burynǵy tóraǵasy Eraly Toǵjanovqa erekshe rızashylyǵyn bildirdi.

Satybaldy Dáýletalın, sonymen qatar, Edvın Blomǵa Kásipodaqtar federasııasynyń bastamasyna qoldaý bildirgeni úshin jáne korporatıvtik áleýmettik jaýapkershilik ıdeologııasyn damytýǵa qosyp jatqan úlesi úshin alǵysyn jetkizip, QPO-men bekitilgen ujymdyq kelisimniń tıimdiligin atap ótti.

«Onda eńbekaqyny ındeksasııalaý, densaýlyǵyna baılanysty ýaqytsha eńbekke jaramsyz kezinde tólenetin aqyny kóbeıtilgen kólemde berý, kópbalaly otbasylarǵa materıaldyq kómek kórsetý, shıpajaıda saýyqtyrýdy tóleý, jumys berýshiniń qabyldaıtyn jergilikti aktilerin kásipodaq uıymdarymen qabyldaý jáne ózge de máselelerdi kelisip sheshý qarastyrylǵan. Osyndaı áleýmettik áriptester kóp bolsa eken. Bul kelisim basqa da iri jumys berýshilerdi QRKF bastamasyn qoldaýǵa jáne jańa korporatıvtik áleýmettik kelisimderge qol qoıýǵa jáne óz jumysshylary úshin burynǵydan da laıyqty jaǵdaı jasaýǵa yntalandyrady» dedi Satybaldy Dáýletalın.

QPO Bas dırektory Edvın Blom óz kezeginde Kásipodaqtar federasııasyna rızashylyǵyn bildirdi.

«Bizdiń QPO koporatıvtik kelisim jasaýda alǵashqy kompanııa retinde tańdalyp alynýy men úshin úlken mártebe. Bizdiń kompanııa uzaq jyldar boıy QPO-nyń 4 myń jumysshysy men kompanııanyń merdigerlik uıymdaryndaǵy 15 myń jumysshynyń múddelerin qorǵaıtyn úsh kásipodaq uıymymen birge jumys istep keledi. QPO men atalǵan kásipodaq uıymdary arasynda bekitilgen ujymdyq shart bıyl Qazaqstan boıynsha eń úzdik sharttardyń biri dep tanylǵany kezdeısoq emes» dedi Edvın Blom.

Onyń aıtýynsha, QPO kadrlardyń arasynda qazaqstandyqtardyń úlesin kóbeıtýge erekshe kóńil bólip otyr. Búgingi kúni kompanııa osy baǵyttaǵy tórtinshi baǵdarlamasyn júzege asyrýda. Onyń aıasynda ınjenerlik jáne kásibı pozısııalardaǵy jergilikti kadrlardyń úlesi 69 paıyz, al basqarýshy quramnyń úlesi 76 paıyzǵa jetken.

QPO qazaqstandyq jumysshylardyń kásibı biliktiligin arttyrý maqsatynda arnaıy trenıngter ótkizip turady. Qazirdiń ózinde buǵan 225 mıllıon AQSh dollary jumsalǵan.

«Atalǵan kelisimge qol qoıý bizdiń kompanııa jumysshylarynyń áleýmettik jaǵdaıyn jaqsartýǵa úles qosady degen senimdemin. Bul bizge ujymdyq kelisimniń kómegimen bıznesti ári qaraı qalaı júrgizý kerek degen máselede ortaq kelisimge kelýge múmkindik beredi. Biz KF jáne ózimizdiń úsh kásipodaq uıymymen áleýmettik áriptestikti odan ári jaqsartýdaǵy jumysymyzdy jalǵastyramyz. Bul jumys  Qazaqstannyń bolashaq urpaǵy úshin turaqty mura qaldyrýǵa baǵyttalǵan ortaq maqsatqa negizdeletin bolady» dep sózin qorytyndylady QPO Bas dırektory Edvın Blom.

Korporatıvtik áleýmettik kelisim - iri kompanııa men respýblıkalyq kásipodaq birlestigi arasyndaǵy áleýmettik áriptestikti damytýdaǵy negizgi qujat.

Yntymaqtastyq aıasynda taraptar jumysshylardyń áleýmettik-eńbek qatynastaryn saqtaý men qorǵaý, laıyqty eńbek jaǵdaıyn jasaý, eńbekti qorǵaý, densaýlyq jáne ekologııalyq qaýipsizdikti qamtamasyz etý salasynda árekettestikti nyǵaıtpaq.

Yntymaqtastyqtyń basym baǵyttarynyń qatarynda eńbek janjaldarynyń aldyn alý men boldyrmaý jáne qoǵamda áleýmettik turaqtylyqty saqtaý bar.

Eske sala keteıik, Kásipodaqtar federasııasy – 2 mıllıon adamnyń basyn biriktiretin eldegi eń iri qoǵamdyq birlestik. Federasııa quramyna 17 aýmaqtyq jáne 24 salalyq kásipodaq birlestigi kiredi. KF qyzmeti áleýmettik áriptestik negizinde jumysshylardyń áleýmettik-eńbek quqyǵyn qorǵaýǵa baǵyttalǵan. Búgingi kúni elimizde 120 myń ujymdyq shart jasalǵan. Bul jumys istep turǵan kásiporyndardyń 45 paıyzyn qamtıdy. Atalǵan kásiporyndardyń 98 paıyzynda kásipodaq qurylǵan jáne jumys istep tur.  

«Qarashyǵanaq  Petrolıým Opereıtıng B.V» Konsorsıýmy – Qazaqstannyń soltústik-batysynda ornalasqan álemdegi iri munaı jáne gaz kondensaty ken orny. Aýdany 280 sharshy shaqyrymnan asady. Kompanııa Qazaqstannyń gaz óndirý salasyndaǵy kóshbasshysy. 2018 jyly QPO 148 mıllıon barel munaı óndirgen. Bul rekordtyq kórsetkish bolyp sanalady.

Áleýmettik jaýapty kompanııa óziniń óndiristik qyzmetin júzege asyrý barysynda jergilikti turǵyndar men jalpy Qazaqstan halqynyń áleýmettik-ekonomıkalyq jaǵdaıyn  barynsha jaqsartý maqsatynda  Qarashyǵanaq ken ornynyń áleýetin tıimdi paıdalanýǵa umtylyp otyr.

 

Sońǵy jańalyqtar

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Tastarǵa jan bitirgen sýretshi

О́ner • Búgin, 15:38

Ýálıhan QALIJANOV. Koronavırýs

Ádebıet • Búgin, 15:28

Meni kórseńder, qashyńdar!

Ádebıet • Búgin, 15:26

Alkogol ónimderi koronavırýstan qorǵaı ma?

Koronavırýs • Búgin, 15:24

Talap barshaǵa birdeı

Aımaqtar • Búgin, 15:17

Kóksheniń kólderindegi kók muz juqardy

Aımaqtar • Búgin, 15:13

1 sáýir: Almatyda indettiń 24 oshaǵy bar

Koronavırýs • Búgin, 15:11

ASA reıtıngi jańartyldy

Sport • Búgin, 14:08

Úıden shyqpaı qazaqsha úıren

Qoǵam • Búgin, 13:08

Batys Qazaqstanda 90 adam baqylaýda

Aımaqtar • Búgin, 12:58

Uqsas jańalyqtar