Elorda • 28 Aqpan, 2020

Nur-Sultanda «Ardagerlerge myń alǵys» aksııasy bastaldy

8 retkórsetildi

Elordada Alǵys aıtý kúni men Uly Jeńistiń 75 jyldyǵyna arnalǵan «Ardagerlerge myń alǵys» aksııasy bastaldy, dep habarlady qala ákimdiginiń baspasóz qyzmeti.

Elordalyq volonterler shtabynyń músheleri ardagerler men zeınetkerlerdiń hal-jaǵdaıyn bilip, azyq-túlik sebetterin tapsyrdy. Birinshi kezekte jastar Uly Otan soǵysy ardageri Raýza Shırvanovanyń shańyraǵyna bardy.

Semeı qalasynyń týmasy Raýza Ahmetqyzy 1942 jyldyń mamyrynda Keńes áskeriniń qataryna shaqyryldy. Sodan bastap 1944 jyldyń qyrkúıegine deıin №136 jeke baılanys rotasynda radıst, telegrafıst bolyp qyzmet etti. Odan keıin Chıta qalasyndaǵy Baıkal jaǵalaýyndaǵy áskerı okrýgynyń shtabyna qarasty №245 avıasııa dıvızııasyna aýystyryldy. Sol jerden 1945 jyldyń 2 jeltoqsanynda serjant sheninde áskerı qyzmetten bosatyldy. Maıdanger II dárejeli «Uly Otan soǵysy» ordenimen, Japonııany jeńgeni úshin jáne eren eńbegi úshin medaldarymen marapattalǵan.

1

Sondaı-aq I.Stalınniń alǵys hatyn, Qazaqstannyń Tuńǵysh Prezıdenti-Elbasy Nursultan Nazarbaev pen qalalyq Ardagerler keńesiniń Qurmet gramotasyn alǵan. «Saýlyq» baǵytyndaǵy volonterler ájeıdiń qan qysymyn ólshep, densaýlyǵyn tekserdi.

«Ardagerlerge myń alǵys» aksııasy sheńberinde Uly Otan soǵysy maıdangerleri men tyl eńbekkerlerine kómek kórsetemiz. Úılerin jınap, aýlalaryn tazalaımyz. Azyq-túlik sebetterin tapsyramyz. Ár ardagerge bir-bir volonterden bekitemiz. Aksııa búginnen bastap kún saıyn júretin bolady. Bul sharaǵa demeýshilerdi tarttyq», – dedi elordanyń Volonterler shtabynyń jetekshisi Shyńǵys Tileýlın.


Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar