Parlament • 28 Aqpan, 2020

Darıǵa Nazarbaeva: Aýyl – bizdiń ulttyq bolmysymyz

44 retkórsetildi

Senatta agroónerkásip kesheni máselelerine arnalǵan Parlamenttik tyńdaý ótip jatyr. Bul týraly Parlament Senatynyń baspasóz qyzmeti habarlady.

Shara aıasynda aýylsharýashylyǵy taýaryn óndirýshilerdiń kórmesi uıymdastyryldy. Senat basshysy Darıǵa Nazarbaeva aýyl sharýashylyǵyndaǵy túrli sala ónimderi men agrarlyq ǵylymnyń jáne «QazAgro» ulttyq basqarýshy holdıngi damý ınstıtýttarynyń jetistikterimen tanysty.

Kórme barysynda Senat depýtattaryna biryńǵaı biriktirýshi ortalyqtyń qyzmeti tanystyryldy. Ortalyq TMD boıynsha janýarlardyń veterınarlyq ereksheligin sáıkestendirýdi belgileýge arnalǵan quraldar men buıymdar óndiretin jalǵyz uıym bolyp tabylady. Sonymen qatar túıe etinen ónimder men konserviler jasaıtyn kishi zaýyt jumysy kórsetildi. Joba ǵylymı-tehnıkalyq qyzmet nátıjesin kommersııalandyrý baıqaýynyń jeńimpazy bolyp tabylady.

Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Álı Bektaev otyrysty asha kelip, Parlamenttik tyńdaýdyń taqyryby el ekonomıkasyndaǵy problemasy asa kóp, halyqtyń tarapynan jıi synǵa ushyrap júrgen, biraq óte mańyzdy, memleketimizdiń ulttyq qaýipsizdigine tikeleı qatysy bar sala – agrarlyq sektorǵa arnalyp otyrǵanyn aıtty. «Palata Tóraǵasy Darıǵa Nazarbaevanyń bastamasy boıynsha Senatta elimizdegi 60-tan astam aýyl sharýashylyǵy agrarlyq qoǵamdyq uıymdar men odaqtardyń, aýyl sharýashylyǵy taýar óndirýshileriniń ókilderimen, osy salaǵa qatysy bar memlekettik organdar men mekemeler basshylarynyń qatysýymen 12 arnaıy kezdesý ótti. Kezdesýlerde 200-ge jýyq  usynystar aıtyldy», - dedi Á.Bektaev.

Darıǵa Nazarbaeva sóz basynda aýyl – bizdiń ulttyq bolmysymyzdyń besigi ekenin atap ótti. «Qazaqtyń túp-tamyry aýylda jatyr, aýyl otanshyldyqtyń qaınar kózi jáne baıyrǵy dástúrlerdiń bulaǵy. Sondyqtan aýyldy damytý máseleleri árqaısymyzǵa óte jaqyn jáne túsinikti. Bul aýyldyq jerlerde turatyn 42 paıyz qazaqstandyqtarǵa ǵana emes, barsha Qazaqstan halqyna qatysty úlken másele. Búgingi tańda jalpy tabystyń ósýine qaramastan, aýyl turǵyndarynyń jaǵdaıy jaqsy emes ekeni týraly pikir bildirip eshkimdi tańǵaldyra almaımyz. Múmkin elimizde aýylsharýashylyǵy ónerkásip retinde osyǵan baılanysty toqtap turǵan shyǵar?», - dedi ol.

Darıǵa Nazarbaeva óz sózinde aýyl sharýashylyǵy – Qazaqstan ekonomıkasynyń negizgi salasy ekenin atap ótti. «Halqymyz týǵan jerge erekshe qurmetpen qarap kelse de, nege aýyl sharýashylyǵy kóp jyldar boıy ekonomıkanyń problemaly salasynyń biri bolyp keledi. Sandyq jáne paıyzdyq kórsetkishterdiń ósip jatqanyna qaramastan, biz keıingi 10 jyl aralyǵynda salanyń toqyraýǵa ushyraǵanyn kórip otyrmyz. Aýyl sharýashylyǵynyń Jalpy ishki ónimdegi úlesi 10 jyl ishinde 5 paıyzdan asqan joq, al sońǵy jyldary turaqty túrde tómendep keledi», - dedi Senat Tóraǵasy.

D.Nazarbaeva sonymen qatar agrarlyq sektordy turaqty túrde júıesiz reformalaý jyldary aýyl sharýashylyǵyn daǵdarysqa alyp kelgenin aıtty. «Kóbine kesteler men sandardyń artynda adamdardyń naqty problemalary turǵanyn kóre bermeımiz. Biz salanyń áleýmettik ólshemine nazar aýdarýymyz kerek», - dedi Palata basshysy. Sondaı-aq aýyl halqyna ınfraqurylym obektileri qol jetimsiz bolǵandyqtan olardyń ómir súrý sapasy tómendegeni jáne ondaı jaǵdaıda turǵyndardyń áleýmettik kóńil-kúıi  qanaǵattanarlyq bolmaıtyny ári týǵan aýylynda turýǵa degen yqylas azaıatyny aıtyldy.

Parlamenttik tyńdaýda aýyl sharýashylyǵy mınıstri Saparhan Omarov, «Atameken» ulttyq kásipkerler palatasynyń tóraǵasy Abylaı Myrzahmetov, BUU Azyq-túlik jáne aýyl sharýashylyǵy uıymynyń (FAO) Qazaqstandaǵy baılanys jáne áriptestik jónindegi Bıýro basshysy Qaırat Nájimedenov jáne taǵy basqalar baıandama jasaıtyn bolady.

Agroónerkásip kesheni salasyndaǵy mańyzdy máselelerdi talqylaýǵa depýtattardan basqa birneshe aımaq basshylary, qoǵamdyq birlestikter men aýyl sharýashylyǵy kásiporyndarynyń ókilderi qatysýda.

Parlamenttik tyńdaýdyń qorytyndysy boıynsha usynystar ázirlenip Úkimetke jiberiletin bolady.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar