Ekonomıka • 28 Aqpan, 2020

«QazMunaıGaz» qazaqstandyq taýar óndirýshilermen birqatar kelisimge qol qoıdy

17 retkórsetildi

Otandyq taýar óndirýshilerdi qoldaý forýmy sheńberinde «QazMunaıGaz» UK AQ birqatar kelisimge qol qoıdy. Bul týraly kompanııanyń Jurtshylyqpen baılanys departamenti habarlady.

Búgingi tańda QMG offteık-sharttar jasasý arqyly jańa óndiristerdi qurýǵa járdemdesý baǵdarlamasyn iske asyrý sheńberinde ımport almastyrý boıynsha belsendi jumys júrgizýde. Offteık-sharttardyń tetigi jobany iske asyrý nátıjesinde óndirisi jolǵa qoıylatyn taýarlardy satyp alý men jetkizýdi keıinge qaldyrý shartymen ımportty almastyratyn jobalardy iske asyrýdy kózdeıdi.

Osy baǵdarlama aıasynda QMG-niń enshiles kompanııalary – «QazTransOıl» AQ jáne «Atyraý munaı óńdeý zaýyty» JShS basshylary qazaqstandyq kásiporyndarmen kelisimge qol qoıdy.

«QazTransOıl» AQ qazaqstandyq «KARLSKRONA LC AB» kompanııasymen magıstraldyq qubyrlarǵa arnalǵan sorǵy agregattaryn yqtımal jetkizý boıynsha yntymaqtastyq týraly memorandýmdy jasasty. Magıstraldyq sorǵylar tájirıbelik-ónerkásiptik synaqtardan ótedi jáne saraptama komıssııasynyń oń qorytyndysy bolǵan jaǵdaıda, «QazTransOıl» AQ «KARLSKRONA LC AB» kompanııasymen jabdyqtyń osy túrin satyp alýǵa offteık-shart jasasady.

«AMО́Z» JShS «Zhaik Petroleum» JShS-men jalpy somasy 11,2 mlrd teńgege 2022 – 2024 jyldar kezeńine kólemi 70 myń tonnadan astam metanoldy uzaq merzimdi jetkizýge offteık-shart jasasty.

Otandyq óndirýshilerdi qoldaý jónindegi baǵdarlamalarǵa qatysý jáne satyp alýdaǵy jergilikti qamtýdy ulǵaıtý «QazMunaıGazdyń» basym mindetteriniń biri bolyp tabylady. 2019 jyldyń qorytyndysy boıynsha QMG kompanııalar toby boıynsha taýarlardy, jumystardy jáne qyzmetterdi satyp alýdyń jalpy kólemi 2 trıllıon 50 mlrd. teńgeni qurady. Onyń ishindegi jergilikti qamtý 81% nemese 1 trıllıon 658 mlrd teńgeni qurady.

 

Mańǵystaý oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar