Úkimet • 28 Aqpan, 2020

Qazaqstan-Pákistan úkimetaralyq komıssııasynyń 9-otyrysy ótti

13 retkórsetildi

Pákistan astanasynda saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Pákistan úkimetaralyq komıssııasynyń 9-otyrysy ótti. Qazaqstan tarapynan teń tóraǵa retinde Syrtqy ister mınıstriniń birinshi orynbasary Shahrat Nuryshev bolady, al Pákistan tarapynan - Syrtqy ister mınıstriniń birinshi orynbasary Soheıl Mahmýd. Bul týraly Syrtqy ister mınıstrliginiń baspasóz qyzmeti habarlady.

Qazaqstandyq delegasııa quramyna Syrtqy ister, Saýda jáne ıntegrasııa, Densaýlyq saqtaý, Aýyl sharýashylyǵy, Saýda jáne ıntegrasııa, Indýstrııa jáne ınfraqurylymdyq damý, Energetıka, Mádenıet jáne sport mınıstrlikteriniń, sondaı-aq, «KazakhInvest»  UK» AQ,  «Samuryq Energo» AQ ókilderi kirdi.

Kelissózder barasynda taraptar eki eldiń ózara múddelerin eskere otyryp, Qazaqstan-Pákistan yntymaqtastyǵynyń aǵymdaǵy jaǵdaıy men onyń damý bolashaǵyn egjeı-tegjeıli talqylady. 

Komıssııanyń teń tóraǵalary Qazaqstan men Pákistannyń saýda-ekonomıkalyq qarym-qatynastary dınamıkasynyń eki el qatynastaryndaǵy iske asyrylmaǵan joǵary ekonomıkalyq áleýetine qaramastan tómendegenin atap ótti. Komıssııa otyrysyna qatysýshylar keń aýqymdy baǵyttar boıynsha ózara tıimdi kooperasııany belsendi arttyrý qajettigi týraly málimdedi.

Komıssııanyń jumys toptarynyń otyrysyna qatysýshylar taraptardyń ótinish bildirgen múddeleri negizinde ekijaqty yntymaqtastyqty arttyrý úshin saýda, ınvestısııa, kólik, energetıka, aýyl sharýashylyǵy, densaýlyq saqtaý, farmasevtıka, týrızm, ǵylym, bilim berý jáne t.b. sekildi basym salalardy anyqtady. 

Komıssııa jumysynyń qorytyndysy boıynsha Qazaqstan men Pákistan arasyndaǵy saýda-ekonomıkalyq, tehnıkalyq jáne gýmanıtarlyq yntymaqtastyqty odan ári damytý boıynsha praktıkalyq sharalardy qamtıtyn qorytyndy hattama qabyldandy. Qazaqstan-Pákistan úkimetaralyq komıssııasynyń kezekti otyrysyn Nur-sultan qalasynda ótkizýi josparlanýda.

Sondaı-aq Islamabadqa sapary barysynda Qazaqstan Respýblıkasynyń SIM delegasııasy Qazaqstannyń parlamenttik Dostar tobynyń atynan Pákistan Ulttyq Assambleıasynyń depýtattarymen kezdesti. 

Kezdesý barysynda Sh.Nuryshev PIR Halyq Assambleıasynyń basshylyǵyn 2019 jylǵy 23-24 qyrkúıek aralyǵynda elimizdiń astanasynda ótken «Úlken Eýrazııa: Dıalog. Senim. Seriktestik» taqyryby boıynsha Eýrazııa elderi Parlamentteri spıkerleriniń IV Keńesine belsendi qatysqany úshin alǵysyn bildirdi. 

Taraptardyń eki eldiń ózara is-qımylynyń perspektıvalary jáne úkimetaralyq komıssııa sheńberinde qabyldanyp jatqan ekijaqty kúsh-jigeri týraly pikir almasý barysynda Pákistan parlamentshileri Qazaqstan-Pákistan qarym-qatynastarynyń barlyq spektrin jandandyrý boıynsha usynylǵan sharalardy qoldady.

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar