Shara barysynda Alǵys aıtý kúniniń mańyzdylyǵy, Qazaqstan halqy Assambleıasynyń 25 jyldyq qyzmeti, qazaqstandyq qundylyqtar talqylandy.
«2016 jyldan bastap osymen besinshi jyl qatarynan 1 naýryz – Alǵys aıtý kúni bolyp atalyp keledi. Bul – zaman talaby týyndatqan qazaqstandyqtar úshin máni zor mereke. Elbasy aıtqandaı, baqyt baǵalaı kelgenniń basynda turaqtaıdy. Eń asyl qazynamyz – birligimizdi kózdiń qarashyǵyndaı saqtaı bilsek barlyq asýlardan asamyz» dedi Janseıit Túımebaev.
Shara barysynda ártúrli etnos ókilderi elimizdiń túrli salalarynda eńbek etip, ekonomıkamyzdyń órleýine yqpal etip jatqandyǵy atap ótildi.
«Tuńǵysh Prezıdent– Elbasy Nursultan Ábishuly Nazarbaevtyń Jarlyǵyna sáıkes 1 naýryz Alǵys aıtý kúni bolyp belgilengen. Elbasy atap ótkendeı, Alǵys aıtý kúni ortaq tarıhymyzǵa kórsetilgen qurmettiń, búkil qazaqstandyqtardyń óz shańyraǵyna aınalǵan kıeli qazaq jerine degen rızashylyqtyń belgisi dep atap ótken. Bul búkil qazaqstandyqtyń bir-birine degen meıirimdilik, dostyq pen súıispenshiliktiń jarqyn merekesi bolyp sanalady. Bizdiń ortaq elimizge ózara kómek pen qoldaý kórsete otyryp, shynaıy birligimiz ben dostyǵymyzdy aıqyndaıtyn, ótken kúnimizdi eske alatyn, jas urpaqqa úlgi bolatyn jarqyn merekelerdiń biri dep aıtamyz» deıdi qala ákiminiń orynbasary Baqtııar Máken.
Dóńgelek ústel barysynda jumysshy kásipterdiń, quqyq qorǵaý organdarynyń, jastar uıymdarynyń ókilderi sóz sóıledi. Olar ózderiniń jetistikterimen bólisip, rızashylyqtaryn bildirdi.
