Qos tarap 2019 jyly júrgizilgen is-sharalar, shekaralas aýmaqtardaǵy shegirtke zııankesteriniń damýy men taralýy, aýyl sharýashylyǵy zııankesterimen jáne aýrýlarmen kúresý is-sharalar týraly aqparatpen almasty. Sondaı-aq osy baǵytta ózara is-qımyl men yntymaqtastyq máseleleri talqylandy.
RF delegasııasyn bastap kelgen «Rosselhozsentr» FMBM dırektory Aleksandra Malko, 2019 jyly shegirtke tektes zııankesterge qarsy eki eldiń júrgizgen birlesken is-sharalardyń arqasynda shekaralas aýdandarda aýyl sharýashylyǵy daqyldary egistikteriniń zaqymdanýy, sondaı-aq, shegirtkelerdiń kórshiles elderdiń shekara aýmaǵyna kóship-qonýy bolmaǵandyǵyn atap ótti.
О́z kezeginde Aýyl sharýashylyǵy mınıstrligi Agroónerkásiptik keshendegi memlekettik ınspeksııa komıetiniń tóraǵasy Almabek Mars 2020 jyly josparlanǵan is-sharalar týraly keńinen aıtyp berdi.
Onyń aıtýynsha, 2020 jyly shegirtke tektes zııankester 554 myń gektar alqapta taralýy múmkin dep kútilýde. Shegirtkege qarsy kúres úshin respýblıkalyq bıýdjetten 1 mlrd teńge bólingen. Atalǵan qarajat barlyq boljamdalǵan alqapqa pestısıdterdi jáne hımııalyq óńdeýdi satyp alýǵa múmkindik beredi.
«Ortalyq qoımada jalpy 47,5 myń lıtr pestısıd qory bar. 2020 jyly shegirtke tektes zııankesterdiń úıirli túrlerine qarsy qorǵanys is-sharalaryn júrgizý úshin 148 birlik arnaıy tehnıka: onyń ishinde 119 birlik jerústi búrikkishteri, 10 ushaq, 10 birlik asa jeńil áýe kemesi (AJÁK) jáne 9 birlik aerozoldi generatorlar (GARD) jumyldyrylatyn bolady. Búgingi kúni shegirtke tektes zııankesterge qarsy qorǵanys is-sharalaryn ýaqytyly uıymdastyrý úshin daıyndyq sharalary aıaqtalýǵa jaqyn», - dedi A.Mars.
Keńes qorytyndysy boıynsha Qazaqstan Respýblıkasynyń jáne RF Aýyl sharýashylyǵy mınıstrligi arasynda 2020 jyly eki eldiń shekaralas aýmaqtarynda shegirtke tektes zııankesterdiń taralýyna jol bermeý jónindegi birlesken is-sharalar josparyna qol qoıyldy.
