Aımaqtar • 28 Aqpan, 2020

Mańǵystaýda ótken jyly 88 mıllıard teńgege jýyq qarajatqa 71 joba júzege asyryldy

28 retkórsetildi

Mańǵystaýda «Qarapaıym zattar ekonomıkasy» aıasynda jeńildetilgen nesıe berý baǵdarlamasy boıynsha birqatar jumystar júrgizildi, dep habarlady MO kásipkerler palatasy baspasóz qyzmeti.

2019 jyldyń qorytyndysy boıynsha jalpy somasy 88 mıllıard teńgege jýyq qarajatqa 71 joba júzege asyryldy. Olar tolyq iske qosylǵan jaǵdaıda 1 095 jumys orny qurylatyn bolady. Máselen, Jańaózen qalasynda 2025 jylǵa deıin iske qosylýy tıis qant pen nabat ónimderin shyǵaratyn «Orda óndiristik bazasy» JShS-i 50 adamdy jańa jumys ornymen qamtyp, jylyna 890 tonna jergilikti ónim shyǵarýdy josparlap otyr.

Al, «Oımasha» JShS bolsa, tehnıkalyq tuz óndirisin qolǵa almaqshy. Joba quny 100 mıllıon teńgeni quraıdy. Jylyna 100 myń tonna tehnıkalyq tuz shyǵarý arqyly óńirde tolyqtaı ımportty almastyra alady. Sondaı-aq, eksportqa shyǵarý úlesi artady. 

Ekinshi deńgeıli bankter men Agro nesıeleý korporasııasy (ANK) jalpy somasy 57 mıllıard teńgege 38 jobany maquldady. Bankter men ANK qaraýynda somasy 1 230 mıllıon teńgege taǵy 7 joba bar.

-«Qarapaıym zattar ekonomıkasynyń» negizgi maqsaty- memlekettiń qoldaýymen kásipkerlikti damytý. Memlekettik satyp alýlarda qazaqstandyq ónimdi, jergilikti shıkizatty alýǵa muryndyq bolý. Sol arqyly otandyq kásipkerlerdi básekege qabiletti qylyp, naryqta joıylyp ketpeýine jaǵdaı jasaý. «Qyzmetter» salasynda «О́nimder men taýarlar» tizimin keńeıtý, atap aıtqanda, obektilerdi salýǵa (qaıta jańartýǵa) baǵyttalǵan jobalar sheńberinde negizgi qural-jabdyqtardy satyp alý suraldy. Nátıjesinde densaýlyq saqtaý jáne bilim berý salalarynda 775 mıllıon teńgege 4 joba qabyldandy, deıdi MO kásipkerler palatasy dırektorynyń orynbasary Gúlmıra Qalmuratova.

Basqosý sońynda memlekettik mekemelerge «Qarapaıym zattar ekonomıkasy» boıynsha 2020 jyly atqarylatyn jumystar esebin naýryz aıynyń 2-ne deıin óńirlik kásipkerler palatasyna tapsyrýǵa tapsyrma berildi.

 

 

Mańǵystaý oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar