Aımaqtar • 28 Aqpan, 2020

Mańǵystaý muǵalimderi «Ádistemelik kúnge» qatysty

52 retkórsetildi

Aqtaý qalasyndaǵy Nazarbaev Zııatkerlik mektebinde Mańǵystaý oblysyndaǵy jalpy bilim berý mektepteriniń óner, mýzyka, dene shynyqtyrý, alǵashqy áskerı daıyndyq pánderiniń muǵalimderine ádistemelik kún uıymdastyryldy. Bul týraly atalǵan mekteptiń baspasóz qyzmeti habarlady.

Ádistemelik kúndi ótkizýdegi basty maqsat – zııatkerlik mektep ustazdarynyń tájirıbesin jańartylǵan bilim baǵdarlamasy boıynsha sabaq ótkizip júrgen ólke pedagogtaryna taratý, týyndaǵan máseleleri men suraqtary boıynsha ádistemelik kómek berý. Bilim ordasyndaǵy tájirıbelik kúnge 100 muǵalim qatysty.

-Búgingi tańda jańartylǵan bilim baǵdarlamasy boıynsha mýzyka, óner (sýret), dene shynyqtyrý jáne alǵashqy áskerı daıyndyq pánderinen sabaq beretin muǵalimderde qysqa merzimdi sabaq josparyn qurýda jáne qalyptastyrýshy baǵalaý boıynsha máseleler bar ekenin baıqap júrmiz. Sol sebepti de osyndaı ádistemelik sharany ótkizýdi uıǵardyq, deıdi Pedagogıkalyq sheberlik ortalyǵynyń mendjer-ádiskeri Sánbıbi Kópbergenova.

Ádistemelik kún barysynda zııatkerlik mektep muǵalimderi pán boıynsha sabaq ótkizip, baqylaý júrgizgen áriptesteriniń týyndaǵan saýaldaryna jaýap berdi.

-Bizdiń baıqaǵanymyz, áli kúnge deıin muǵalimderde qysqa merzimdi jospar jasaýda qıyndyqtar týyndaıdy eken. Sonymen qosa, gýmanıtarlyq baǵyttaǵy pán muǵalimderi qalyptastyrýshy baǵalaý júrgizýde qınalady eken, dedi óner pániniń muǵalimi Zamıra Ahmetova.

Bilim ordasynyń pedagogtary áriptesterin basqa kúnderde de sabaq baqylaýǵa shaqyrdy.

 

 

Mańǵystaý oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar